![Oruclu: Ermənistan, İran və Rusiya Azərbaycanın xarici kəşfiyyatının əsas prioritetləridir](https://turan.az/resized/750/500/resize/media/2015/main/121400140174.jpg)
Oruclu: Ermənistan, İran və Rusiya Azərbaycanın xarici kəşfiyyatının əsas prioritetləridir
Milli Təhlükəsizlik Nazirliyinin iki idarəyə - Təhlükəsizlik Xidməti və Xarici Kəşfiyyat Xidməti idarələrinə ayrılması dünya təcrübəsinə uyğun müsbət addımdır.
Bu barədə Turan-ın müxbiri ilə söhbətində ekspert və MTN-in keçmiş əməkdaşı Ərəstun Oruclu dövlət başçısının bununla bağlı fərmanlarını və sərəncamlarını şərh edərkən bildirib.
Xarici Kəşfiyyat Xidmətinin rəhbəri Orxan Sultanovun adı az məlumdur və hələlik bir rəhbər kimi və onun haqqında və işgüzar keyfiyyətləri haqqında danışmaq tezdir.
“Lakin, çox güman ki, o, əvvəllər də MTN-in Xarici Kəşfiyyat İdarəsində çalışıb, bu vəzifəyə çətin ki, kənardan bir insan təyin edərdilər”, deyə Oruclu qeyd edib.
Bu gün Azərbaycan XKX-nin nə ilə məşğul olmalı olduğu barədə suala cavabda ekspert qeyd edib ki, üç istiqamət – Ermənistan, İran və Rusiya əsas olmalıdır.
“Niyə Ermənistan – bunu izah etməyə, təqin ki, ehtiyac yoxdur. İran və Rusiyaya gəlincə, hər iki ölkənin Azərbaycanda böyük geosiyasi maraqları var və fəal işləyirlər. Bu, həmin ölkələr üzrə də müvafiq kəşfiyyat fəaliyyətini zəruri edir”, deyən ekspert qeyd edib ki, başqa istiqamətlər və ölkələr də var.
Xüsusən, bu, transmilli cinayətkarlığa və digər bu kimi problemlərə qarşı mübarizədir.
Eyni zamanda, Təhlükəsizlik Xidmətinin funksiyaları da konkretləşdirilir, o, xarici kəşfiyyatlara qarşı əks-kəşfiyyat, daxili təhlükəsizliyin təmin edilməsi, narkobiznesə, traffikinqə qarşı mübarizə və s. ilə məşğul olur.
“Bu qədər mühüm funksiyaların bir əldə cəmlənməsi hakimiyyət üçün təhlükə yarada bilər”, deyə Ərəstun Oruclu sonda bildirib. -02В-
-
- Söz istəyirəm
- 14 Dekabr 2015 15:25
-
- İqtisadiyyat
- 14 Dekabr 2015 16:18
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz