![Parlament komitələrinin rəhbərləri seçilib](https://turan.az/resized/media/2015/main/112400137518-750-500-resize.webp)
Parlament komitələrinin rəhbərləri seçilib
Çərşənbə axşamı beşinci çağırış parlamentin birinci iclasında Milli Məclisin daimi komitələrinin rəhbərləri seçilib.
Arif Rəhimzadə yenidən regional məsələlər üzrə komitənin rəhbəri seçilib.
Səməd Seyidov beynəlxalq münasibətlər və parlamentlərarası əlaqələr komitəsinin rəhbəri vəzifəsində qalıb.
Əli Hüseyniv hüquq siyasəti və dövlət quruculuğu məsələləri üzrə komitənin rəhbəri olaraq qalıb.
Birinci vitse-spiker Ziyafət Əsgərov əvvəlki kimi müdafiə və təhlükəsizlik məsələləri üzrə komitəyə rəhbərlik edəcək, amma indi bu komitə həm də korrupsiyaya qarşı mübarizə ilə məşğul olacaq.
Digər vitse-spiker Valeh Ələsgərov təbii resurslar, energetika və ekologiya üzrə komitənin rəhbəri vəzifəsində qalacaq.
Aqrar siyasət komitəsinin rəhbəri vəzifəsində Eldar İbrahimov, iqtisadi siyasət komitəsinin rəhbəri vəzifəsində isə Ziyad Səmədzadə qalacaq.
Bir sıra komitələrə yeni şəxslər rəhbər təyin edilib. Belə ki, elm və təhsil məsələləri üzrə komitənin rəhbəri Azərbaycan Elmlər Akademiyasının vitse-prezidenti İsa Həbibbəyli seçilib (əvvəllər komitəyə İqtisad Universitetinin keçmiş rəhbəri Şəmsəddin Hacıyev rəhbərlik edirdi).
Mədəniyyət məsələləri üzrə komitəyə Rafael Hüseynov rəhbərlik edəcək (əvvəl komitənin rəhbəri Nizami Cəfərov idi).
İnsan hüquqları komitəsinə Rəbiyət Aslanovanın yerinə vitse-spiker Bahar Muradova rəhbərlik edəcək.
Bundan başqa, parlamentdə 4 yeni komitə yaradılıb.
ATU-nun keçmiş rektoru Əhliman Əmiraslanov səhiyyə komitəsinə rəhbərlik edəcək. Müəllimlər İnstitutunun keçmiş rektoru Aqilə Naxçıvanlı ailə, qadın və uşaq məsələləri üzrə komitənin rəhbəri seçilib.
Hakim Yeni Azərbaycan Partiyasının icraçı katibinin müavini Siyavuş Novruzov ictimai birliklər və dini qurumlar üzrə komitəyə rəhbərlik edəcək.
Fuad Muradov isə gənclər və idman komitəsinin rəhbəri olacaq. -06D-
-
- Söz istəyirəm
- 24 Noyabr 2015 15:34
-
- Siyasət
- 24 Noyabr 2015 17:18
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz