![Parlament komitəsi icazəsiz mitinqlərlə bağlı sərt düzəlişləri qəbul edib](https://turan.az/resized/750/500/resize/media/2012/main/102300015755.jpg)
Parlament komitəsi icazəsiz mitinqlərlə bağlı sərt düzəlişləri qəbul edib
Çərşənbə axşamı Milli Məclisin Hüquq siyasəti və dövlət quruculuğu məsələləri komitəsi kütləvi aksiyaların keçirilməsi qaydalarının pozulmasına görə məsuliyyəti sərtləşdirən düzəlişləri təqdir edib və parlamentin plenar iclasına göndərib
Əsasən “Sərbəst toplaşma haqqında”, İnzibati Xətalar Məcəlləsinə və Cinayət Məcəlləsinə dəyişikliklər nəzərdə tutulur. Təklif edilən yeniliklərin müəllifi deputat Rafael Cəbrayılovdur.
“Sərbəst toplaşma haqqında” qanuna edilən düzəlişə görə, aksiyaların təşkilatçıları bir və ya bir neçə fiziki və ya hüquqi şəxs ola bilər.
İnzibati Xətalar Məcəlləsinə görə, toplaşma azadlığı haqqında qanunu pozanlar ictimai işlərə cəlb olunacaq. Belə ki, İnzibati Xətalar Məcəlləsinin 298-ci maddəsinə düzəlişə görə, icazəsiz aksiyaların təşkilinə görə fiziki şəxslər 1500 manatdan 3000 manatadək cərimə olunacaq, 200-240 saat ərzində ictimai işə cəlb ediləcək və ya 15 sutkaya qədər inzibati həbsə məruz qalacaq.
Vəzifəli şəxslər 3-6 min manat, hüquqi şəxslər 15-30 min manat həcmində cərimələnəcək.
İcazəsiz mitinqlərdə iştirak edənlər 500 manatdan 1000 manatadək cərimə və ya 160-200 saat ərzində ictimai işlə, ya da 15 sutkayadək həbslə cəzalanacaq.
Cinayət Məcəlləsinə təklif edilən düzəlişlərə əsasən aksiyaların keçirilməsi qaydalarının pozulmasına görə 5 min manatdan 8 min manatadək cərimə, 2 il ərzində icbari iş və ya 2 ilədək azadlıqdan məhrumetmə cəzası nəzərdə tutulur.
Müqayisə üçün qeyd edək ki, mövcud qanunvericiliyə görə aksiyaların keçirilməsi qaydalarının pozulmasına görə cərimə 100-500 manat təşkil edir.
İctimai asayişin pozulmasına səbəb olan hərəkətlərin təşkilinə və ya onlarda iştiraka görə 5000 manatdan 8000 manatadək cərimə nəzərdə tutulur. Hazırda həmin hərəkətlər 500 manat məbləğində cərimə ilə cəzalandırılır.
Həmin hərəkətlərə görə maksimal cəza tədbiri 3 ilədək azadlıqdan məhrumetmə cəzasıdır.
Əgər qanunsuz aksiyaların iştirakçıları odlu və ya soyuq silahdan, insan həyatına və sağlamlığına təhlükə olan partlayıcı və ya digər maddələrdən istifadə edibsə onları 5000 manatdan 8000 manatadək cərimə və ya 3 ilədək azadlıqdan məhrumetmə cəzası gözləyir. –06D-
-
- İqtisadiyyat
- 23 Oktyabr 2012 15:00
-
- İqtisadiyyat
- 23 Oktyabr 2012 16:00
Siyasət
-
Müsavat Partiyasının Seçki qərargahına seçki gününün ilk saatlarından qanun pozuntuları barədə məlumatlar da daxil olur.
-
Səhər saat 8-də Azərbaycan Milli Məclisinə növbədənkənar seçkilərdə səsvermə başlayıb. Səsvermə Azərbaycanın bütün ərazisində, o cümlədən işğaldan azad edilmiş torpaqlar da daxil olmaqla, 6478 seçki məntəqəsində keçirilir. Birpalatalı parlamentdə 125 yer uğrunda 990 namizəd mübarizə aparır.
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
Rəy yaz