Paşinyan və Əliyev 6 oktyabr 2022-ci il tarixində Praqada keçirilən görüşdə emosional söhbət edirlər

Paşinyan və Əliyev 6 oktyabr 2022-ci il tarixində Praqada keçirilən görüşdə emosional söhbət edirlər

Ermənistanın baş naziri Nikol Paşinyan aliliyi milli hüquqdan üstün olan sülh müqaviləsinin Azərbaycanla razılaşdırılmış mühüm maddəsi haqda ilk dəfə bildirib.

Azərbaycan və Ermənistan arasında sülh müqaviləsi layihəsinin mətnində tərəflərin razılaşdırdığı maddə var ki, Bakı və Yerevan iki dövlət arasında sülh müqaviləsində nəzərdə tutulmuş öhdəliklərin yerinə yetirilməsinə mane ola biləcək öz milli qanunvericiliklərinə istinad edə bilməzlər, - baş nazir Nikol Paşinyan Ermənistan deputatlarına bildirib.

O izah edib ki, bu maddə təkcə Azərbaycan və Türkiyə ilə münasibətlərin normallaşdırılması üçün yox, həm də müqavilənin mətninin beynəlxalq hüquqa və onun ölkəsinin yeni şəraitdə xarici aləm ilə münasibətlərinə uyğunlaşdırılması üçün lazımdır. "Çünki dünyada hər şey bu Konstitusiyanın qəbul edildiyi dövrdə olduğu kimi deyil", - baş nazir deyib.

Bu maddə Ermənistanın ratifikasiya etdiyi beynəlxalq müqavilələrin aliliyi haqqında Vyana Konvensiyasının tələbini təkrarlayır. Konvensiyanın 27-ci maddəsində deyilir ki, iştirakçı beynəlxalq müqavilənin yerinə yetirilməməsinə bəraət qazandırmaq  üçün öz daxili qanunvericiliyinin müddəalarına istinad edə bilməz.

Deputat Gegam Manukyanın sözlərinə görə, Paşinyan maddəni hələlik gizli olan sənədin mətnindən açıqlayıb və bu maddə Azərbaycanın tələbilə qəbul edilib.

Müzakirə olunan maddə Ermənistanın istənilən digər rəhbərliyinin Ermənistan SSR Ali Sovetinin 1991-ci il Alma-Ata bəyannaməsinə qəbul etdiyi bəndlərə sonrakı istinadlarının mümkünlüyünü istisna edir. Bəndlər faktiki olaraq Azərbaycanın sərhədlərini Dağlıq Qarabağsız tanıyır, Dağlıq Qarabağ Ermənistanla birləşmiş ərazi kimi qəbul edilir. Buna baxmayaraq, Azərbaycan tələb edib və Ermənistan erməni tərəfdən belə cəhdlərin neytrallaşdırılması üçün əlavə alət qəbul edib.

Yerevanın da Azərbaycan Konstitusiyasına iradları var. Ermənistanda deyirlər ki, AR Konstitusiyası üçüncü respublikanın ərazisi daha böyük olan və sərhədləri Azərbaycan SSR sərhədlərilə üst-üstə düşməyən Azərbaycan Xalq Cümhuriyyətinin (birinci-1918-1920) hüquqi varisi olduğunu bəyan edir.

Azərbaycanda hakimiyyət Ermənistanın tələbilə qanunları və Konstitusiyanı dəyişmək niyyətində deyil.

Fevralın 1-də Azərbaycan prezidenti İlham Əliyev bildirib ki, əgər Ermənistan Azərbaycana qarşı ərazi iddialarına son qoyarsa,  konstitusiya və digər normativ- hüquqi sənədlərə dəyişiklik edərsə, iki ölkə arasında sülhə nail olmaq mümkün olacaq. Onun sözlərinə görə, Ermənistanın müstəqillik bəyannaməsində Qarabağın Ermənistanla birləşməsi haqda birbaşa qeyd var və bu, Azərbaycanın ərazi bütövlüyünü pozur, Ermənistan Konstitusiyası isə əsas sənəd kimi Ermənistanın müstəqillik bəyannaməsinə istinad edir.

Rəy yaz

Siyasət

Berlin görüşünün nəticələri, Avropanın sanksiya çağırışları... - Əhməd Əlili Çətin sualda



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti