Nikol Pashinyan
Bakı/23.09.22/Turan: Sentyabrın 22-də Birləşmiş Millətlər Təşkilatı Baş Assambleyasında çıxış edən Ermənistanın baş naziri Nikol Paşinyan Azərbaycanı ərazi iddialarında ittiham edib.
O bildirib ki, Ermənistan Azərbaycanın ərazi bütövlüyünü tanımağa hazırdır, lakin Azərbaycan buna "reaksiya verməyib". "Əksinə, Azərbaycan fəal şəkildə bəyan edir ki, Ermənistanın bütün cənubu və şərqi hətta paytaxt Yerevan Azərbaycan torpaqlarıdır".
Eyni zamanda, Azərbaycan Ermənistanın müəyyən ərazisini “işğal etməkdə” davam edir.
“Bununla əlaqədar mən rəsmi və açıq şəkildə Azərbaycan prezidentinə sual ünvanlamaq istərdim: Ermənistanın ərazi bütövlüyünü tanımaq üçün tanıdığınız Ermənistan xəritəsini göstərə bilərsinizmi?”, - Paşinyan deyib.
“Əgər Azərbaycan Ermənistanın ərazi bütövlüyünü nəzəri baxımdan yox, 29 min 800 kvadrat kilometr sahədə beynəlxalq səviyyədə tanınmış ərazi bütövlüyünü tanıyırsa, bu o deməkdir ki, biz sülh müqaviləsi bağlaya biləcəyik”, - Paşinyan deyib. 02D
Siyasət
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
-
Noyabrın 22-də Bakıda COP29-un keçirildiyi məkanda beynəlxalq fəallardan ibarət bir qrup "İnsan hüquqları yavaş-yavaş ölür" şüarı altında aksiya keçiriblər.
Rəy yaz