Açiq mənbələrdən foto.
Bakı/14.12.20/Turan: Dekabrın 13-də Ermənistanın baş naziri Nikol Paşinyan parlament fraksiyaları rəhbərlərinin iştirakı ilə Təhlükəsizlik Şurasının geniş iclasını keçirib, "Azadlıq" radiosu məlumat verib.
O, Qarabağda iki kəndin (Xsaberd və Xin Taxer) ətrafında vəziyyətə toxunaraq etiraf edib ki, döyüşlərdə Ermənistan Silahlı Qüvvələrinin bölmələri və Qarabağ qüvvələri iştirak edib. Döyüşlər nəticəsində hər iki kənd qismən Azərbaycan Silahlı Qüvvələrinin nəzarətinə keçib. Rusiya sülhməramlıları gələndən sonra vəziyyət sabitləşib.
Son günlər gərginliyin yarandığı Ermənistan-Azərbaycan sərhəddində vəziyyətə toxunan Paşinyan Qubadlı və Zəngilanda sərhədlərin dəqiqləşdiyini bildirib. Noyabrın 9-da bəyanat imzalandığı an rayonların böyük bir hissəsi Azərbaycan Silahlı Qüvvələri tərəfindən tutulmuşdu və "aydın idi ki, bu ərazilərdə sərhədləri dəqiqləşdirmək lazımdır". Onun sözlərinə görə, sərhədlər dəqiqləşdirilərkən "müəyyən gərginlik yarana bilər", çünki orada "bizim üçün bu sahədən keçən strateji cəhətdən vacib olan yol var".
“Dünən gecə yarısına qədər Moskvada müdafiə nazirinin iştirakı ilə müzakirələr keçirilib. Vəziyyətdən çıxmaq üçün bir neçə təklif var, variantlar var, yaxın vaxtlarda onlardan birini müəyyənləşdirməliyik", - baş nazir qeyd edib.
"Əsirlərin dəyişdirilməsi prosesi də çox vacibdir və burada da müəyyən irəliləyiş və ya irəliləyiş üçün ciddi imkanlar var və həm bu gün, həm sabah biz konkret qərarlar qəbul etməliyik", - o əlavə edib.
Qeyd edək ki, Paşinyan hələ sovet dövründə Qubadlı rayonunda bir sıra Azərbaycan kəndlərindən keçən Qorus-Qafan yolunu nəzərdə tutur. Zəngilana gəlincə, Azərbaycan sərhədlərinin bərpası Qafana aeroportunu və şəhərin özünü dövlət sərhəddinə sıx yaxınlaşdırır. Beləliklə, ermənilərin əraziləri düşüncəsiz şəkildə genişləndirməsi indi strateji obyektlərin real təhlükə altına düşməsinə gətirib çıxarıb.
Bundan öncə erməni tərəfi sərhəd xəttinə düzəliş etməyi və "uyğunlaşdırmağı", həmçinin ərazi mübadiləsi aparmağı təklif edib. Azərbaycan tərəfi bu təkliflərə cavab verməyib. Xatırladaq ki, hazırda Ermənistanla Azərbaycan arasında sərhəddin bərpası 1988-ci ildə münaqişə başlamadan öncəki sərhədlərə uyğun həyata keçirilir.-02D-
Siyasət
-
Bu gün Bakı Ağır Cinayətlər Məhkəməsində ictimai fəal İlhamiz Quliyev barəsində hökm oxunub. Məhkəmə Azərbaycan CM-in 234.4.3-cü (satış məqsədilə külli miqdarda narkotik vasitənin qanunsuz dövriyyəsi) maddəsi ilə ittihamı daha yüngül maddəyə - 234.1-1-ci (satış məqsədi olmadan qanunsuz olaraq narkotik vasitələri və ya psixotrop maddələri xeyli miqdarda əldə etmə, saxlama, hazırlama, emal etmə, daşıma) maddəyə tövsif edib və fəalı üç il müddətinə azadlıqdan məhrumetmə cəzasına məhkum edib.
-
“Azərbaycan Siyasi Məhbuslarına Azadlıq” Birliyi siyasi məhbusların yeni siyahısını dərc edib. Siyahıya görə, bu il sentyabrın 23-dən dekabrın 12-dək Azərbaycanda siyasi məhbusların sayı 17 nəfər artaraq 331 nəfərə çatıb. Belə ki, sentyabrın 23-də 319 nəfərin adı siyahıya daxil edilib. İndiyədək onlardan 5 nəfəri həbsdən azadlığa buraxılıb, daha 17 nəfər həbs edilib.
-
Cümə axşamı Azərbaycan prezidentinin köməkçisi Hikmət Hacıyev Bakının Ermənistan-Azərbaycan sərhədində Avropa İttifaqının müşahidəçi missiyasının fəaliyyətinin dayandırılması zərurəti haqqında tələbini təkrar edib.
-
Dekabrın 12-də Azərbaycan müdafiə naziri Zakir Həsənov Türkiyə Hərbi Hava Qüvvələrinin komandanı ordu generalı Ziya Cemal Kadıoğlunun rəhbərlik etdiyi nümayəndə heyətini qəbul edib.
Rəy yaz