![Paytaxtın mərkəzində etiraz aksiyasının iştirakçıları həbs olunur](https://turan.az/resized/750/500/resize/media/2012/main/102000015536.jpg)
Paytaxtın mərkəzində etiraz aksiyasının iştirakçıları həbs olunur
Saat 15:00-dan Fəvvarələr Meydanında parlamentin buraxılması tələbilə gənclər təşkilatlarının etiraz aksiyası başlandıqdan sonra şəhərin mərkəzində polis tərəfindən 20-dən çox müxalifət fəalı saxlanılıb. Turan-ın müxbirinin məlumatına görə, bir qrup gənc meydana çıxaraq “İstefa!”, “Ədalətli seçkilər tələb edirik!”, “Korrupsionerlərə ar olsun!” şüarları səsləndiriblər. Polis və mülki geyimlilər onları tutaraq həbs edir. Saxlanılanların arasında “Azad gənclik” təşkilatının lideri Ulvi Həsənli, NİDA təşkilatının liderlərindən biri Turqut Qəmbər, AXCP gənclər təşkilatından Natiq Adılov və Əbülfəz Qurbanlı, Müsavat Partiyasının gənclər təşkilatından Nərgiz Yaqublu və digər fəallar var.
Polis onları meydandan çıxararaq qonşu küçələrə aparır, onları saxlananlar üçün avtobuslara əyləşdirirlər. Lakin polis həmin yerlərə jurnalistləri buraxmır, onların foto və video çəkməsinə imkan vermir.
Fəvvarələr Meydanında onlarla polis dolaşır və meqafon vasitəsilə onları dağılışmağa, icazəsiz aksiya keçirməməyə çağırır. Fəalların həbsi davam edir.
Xatırladaq ki, parlamentin buraxılması tələbilə etiraz aksiyasının
keçirilməsi barədə qərar hakim partiyadan parlamentin deputatı Gülər Əhmədova ilə potensial deputat,ali məktəb rektoru Elşad Abdullayevin qalqamallı videoçarxı ilə əlaqədar qəbul edilib.
Müxalifət bunu parlamentin qeyri-legitimliyinin təsdiqi kimi qiymətləndirilib.. -03/06-
Polis Müsavat Partiyası Ali Məclisinin üzvlərini saxlayıb
Müsavat Partiyası qərargahından parlamentin buraxılması şüarı ilə çıxmaq istəyən bir neçə gənci polis saxlayıb. Bu haqda Turan-a Müsavat Partiyasının təşkilat bölməsinin rəhbəri Gülağa Aslanlı bildirib.
Onun sözlərinə görə, partiyanın qərargahı ətrafında cəmləşən polis qüvvələrinin və mülki geyimlilərin sayını belə müəyyən etmək asan deyil.
G.Aslanlı özü ilə birgə bu gün partiya Ali Məclsinin toplantısında iştirak edən 15 nəfərin partiya qərargahından çıxarkən mülki geyimlilər tərəfindən saxlanılaraq 5 saylı Binəgədi polis bölməsinə gətirildiyini deyib.--0--
https://www.youtube.com/v/4SXQNzdzbHg?version=3&hl=ru_RU
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz