Polis qüvvələri və mülki geyimlilər Müsavat Partiyasının qərargahını mühasirəyə alıb. Bu xəbəri Turan-a Müsavat Partiyası təşkilat bölməsinin rəhbəri Gülağa Aslanlı verib.
G.Aslanlı bildirib ki, bu gün partiyanın Ali Məclisinin toplantısı çağırırıb və hazırda toplantı davam edir. Onun sözlərinə görə, polisin bu addımı bir sıra gənclər təşkilatının bu gün Fəvvarələr Meydanında aksia təyin etməsilə bağlıdır. Polis Müsavat Partiyasını tərəfdarlarının aksiyaya qatılacağı ehtimalının qarşısını almaq məqsədilə partiyanın binasını mühasirəyə alıb. Partiya Ali Məclisi polis mühasirəsi şəraitində öz işini davam etdirir.
G.Aslanlı qeyd edib ki, bu gün mülki geyimlilər Müsavat Partiyası gənclər təşkilatının sədr müavini Əhəd Məmmədlini saxlamaq üçün onların evinə gedib və gənc siyasi fəalı axtarıblar. Bundan əlavə, bu gün təyin edilən aksiyada iştirak etmək üçün Sumqayıtdan Bakıya gəlmək istəyən bir qrup gənc saxlanılıb.
Müsavat Partiyası Sumqayt şəhər təşkilatının rəhbəri Fəxrəddin Abbasov bu gün səhər evindən aparılıb, harada saxlandığı hələ məlum deyil.-05B-
Siyasət
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
-
Azərbaycanın “Azel” TV saytının rəhbəri, fevralın 2-dən Tbilisi İstintaq Təcridxanasında quru aclıq edən Əfqan Sadıqov çərşənbə axşamı huşunu itirib. Bu barədə Turan-a onun xanımı Sevinc Sadıqova bildirib.
-
Fevralın 5-də Bakı Ağır Cinayətlər Məhkəməsində keçmiş diplomat Emin İbrahimovun işi üzrə hazırlıq iclası olub. İclasa hakim Vuqar İbrahimov sədrlik edib. Mahiyyəti üzrə dinləmələr fevralın 12-nə təyin edilib.
-
AZAL-ın təyyarəsinin qəzaya uğraması ilə bağlı Qazaxıstanın Nəqliyyat Nazirliyinin dərc etdiyi hesabat "ilkin xarakter daşıyır və baş verənlərin səbəbləri barədə nəticə yoxdur". Bu barədə “Rosaviasiya” - Rusiya Federal Hava Nəqliyyatı Agentliyinin məlumatında deyilir.
Rəy yaz