Dmitry Peskov.
Bakı/19.04.23/Turan: Dağlıq Qarabağla bağlı Rusiya, Azərbaycan və Ermənistanın üçtərəfli razılaşmaları vəziyyətin nizamlanması üçün yeganə real bazadır, onların reallaşması vacibdir. Bu barədə çərşənbə günü brifinqdə Rusiya prezidentinin mətbuat katibi Dmitri Peskov bildirib.
"Biz tərəflərin gərginliyin azaldılmasına gətirib çıxara biləcək və üçtərəfli razılaşmaların yerinə yetirilməsi yolu ilə daha da irəliləməyə kömək edəcək istənilən addımlarını alqışlamağa hazırıq", - Peskov Azərbaycan və Ermənistan tərəfinin son bəyanatlarını şərh edərkən deyib.
Onun sözlərinə görə, üçtərəfli razılaşmalar "hazırda nizamlanma üçün yeganə real bazadır". "Odur ki, bütün müddəaların tətbiqi yolu ilə irəliləməni hamı üçün alternativsiz və zəruri hesab edirik", - TASS agentliyi Peskovdan sitat gətirib.
Bundan öncə Azərbaycan prezidenti İlham Əliyev Qarabağ ermənilərinə Azərbaycan vətəndaşlığını qəbul etməyi, ya da Qarabağı tərk etməyi təklif etmişdi.
Buna qədərsə Ermənistanın baş naziri Nikol Paşinyan bildirmişdi ki, Yerevan Azərbaycanın ərazi bütövlüyünü tanıyır. 02D
Siyasət
-
Aktau təyyarə qəzasından sonra xilasetmə işlərində mühüm rol oynayan qurtarma işçiləri bazar günü Aktau şəhərində keçirilən rəsmi mərasimdə təltif edilib. Bu barədə Qazaxıstan Fövqəladə Hallar Nazirliyi məlumat verib.
-
İCAO qaydalarına uyğun olaraq AZAL-a məxsus təyyarənin qəzaya uğramasının səbəbləri ilə bağlı ilkin hesabat qəzadan 30 gün sonra ictimaiyyətə açıqlanacaq. Tengrinews xəbər verir ki, bu barədə yanvarın 5-də Qazaxıstan Nəqliyyat Nazirliyi məlumat yayıb.
-
Ermənistanın keçmiş prezidenti Levon Ter-Petrosyanın 1993-cü ildə etdiyi çıxışın video görüntüləri yayımlandıqdan sonra Azərbaycan icmasının sərt tənqidinə səbəb olub. Ermənistan dövlətini etnik təmizləmə siyasətinə dəstək verməkdə ittiham edən icma, bu çıxışın Ermənistanın mövcud ərazisi olan Qərbi Azərbaycan İcmasının bəyanatına əsasən, azərbaycanlılara qarşı dərin köklü düşmənçiliyi və siyasətləri vurğuladığını qeyd edib.
-
“Müdafiə Xətti” hüquq müdafiə təşkilatının həbsdə olan icraçı direktoru Rüfət Səfərovun anası Tahirə Tahirqızının ölkədən çıxışına qadağa qoyulduğu bildirilir.
Rəy yaz