Açiq mənbələrdən foto.
Bakı/06.10.22/Turan: Avropa İttifaqı Şurasının Praqada keçirilən iclası çərçivəsində Türkiyə, Azərbaycan və Ermənistan liderlərinin iştirakı ilə görüş keçirilib.
Qərb mənbələrinin yaydığı məlumata görə, Erdoğan və Paşinyan arasında ikitərəfli münasibətlərə dair dialoq aparılıb. Daha sonra İlham Əliyev də söhbətə qoşulub. O, Bakı və Yerevan arasında münasibətlərin nizamlanması məsələlərinə toxunub. Görüşdə üç ölkənin XİN başçıları da iştirak ediblər. Hələlik tərəflərin heç biri bu görüş haqqında rəsmi məlumat yaymayıb.
Bu söhbətdən əvvəl Fransa prezidenti Makron və Macarıstan baş naziri Orbanın iştirakı ilə ayaqüstü qısa söhbət olub. Bu, sosial şəbəkələrdə yayılan videoda görünür. 02B
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz