![Açiq mənbələrdən foto.](https://turan.az/resized/media/2022/main/072500048761-750-500-resize.webp)
Açiq mənbələrdən foto.
Prezident İlham Əliyev Abşeron sahillərinin zəbt edilməsinə son qoyulacağını vəd edir
Bakı/25.07.22/Turan: Son illər ölkədə torpaq fondunun qanunsuz ələ keçirilməsi geniş miqyas alıb. Bunu bazar ertəsi dövlət başçısı İlham Əliyev Masallı, Göyğöl və Lerik rayonlarına yeni təyin edilmiş icra başçılarını qəbul edərkən deyib.
« Biz bu məsələni bu yaxınlarda ciddi araşdırmağa başladıq və gördük ki, burada çox böyük pozuntular var. Vəzifəli şəxslər yerlərdəki nümayəndələri vasitəsilə torpaq sahələrini tuturdular. Təəssüf ki, bu, təkcə rayonlarda deyil, paytaxtda da baş verir", - o deyib.
Əsasən Abşeronda bəzi məmurlar və biznesmenlər Buzovna qəsəbəsində dəniz sahilindəki qayaları zəbt ediblər və bəzi yerlərdə dağıdıblar. Əliyevin sözlərinə görə, bununla bağlı bir qrup fəal şikayətlə ona müraciət edib. O, Bakı merinə məsələni araşdırmağı tapşırıb.
«Dövlət məmurları və bir sıra sahibkarlar tərəfindən böyük pozuntular aşkar edilib. Bu, tariximizə və təbiətimizə qarşı cinayətdir. Bu qayalar Bakının rəmzidir. Həmin şəxslər onları ələ keçirmək və orada villa tikmək qərarına gəliblər. Təəssüf ki, belə faktlar çoxdur və indi belə hallara qarşı ciddi mübarizə aparılır", - Əliyev deyib və əlavə edib ki, hakimiyyət bu cür məmurlardan "təmizlənir".
Sonra o qeyd edib ki, əvvəlki illərdə Bakıda tikilmiş bir çox hündür binalar şəhərsalma normalarına uyğun deyil. O, bunda "qanunsuz icazələr" verən icra başçılarını ittiham edib. Bununla da şəhərsalma normalarına "böyük ziyan" vurulub, prezident qeyd edib və əlavə edib ki, buna son qoyulub.
*Qeyd edək ki, 10 ildən çoxdur ki, kütləvi informasiya vasitələri, qeyri-hökumət təşkilatları və ictimai xadimlər Abşeron yarımadası sahillərinin qanunsuz zəbt edilməsi barədə yazırlar. Hazırda onlarla kilometr sahil zəbt edilib. Bu, daim və hər yerdə hakimiyyətin gözü qarşısında baş verib, baxmayaraq ki, qanunvericilik dəniz sahilindən 150 metr yaxında tikintini qadağan edir. 02D
Siyasət
-
Ermənistan Azərbaycanın sülh müqaviləsi layihəsi ilə bağlı son təkliflərinə cavab verib. Bunu iyulun 25-də Ermənistan Xarici İşlər Nazirliyinin mətbuat katibi Ani Badalyan bildirib.
-
İyulun 25-də Azərbaycanın iqtisadiyyat naziri İsrail Xarici İşlər Nazirliyinin baş katibi Yakob Blitşteyni qəbul edib.
-
İyulun 25-də Bakı Ağır Cinayətlər Məhkəməsində narkotik ittihamı ilə həbs edilən fəal İlhamiz Quliyevin cinayət işi üzrə məhkəmə prosesi davam etdirilib.
-
İyulun 25-də Ermənistan Təhlükəsizlik Şurasının katibi Armen Qriqoryan ABŞ Dövlət Departamentinin Cənubi Qafqaz məsələləri üzrə baş müşaviri Lui Bononu qəbul edib.
Rəy yaz