Prezident İlham Əliyev Avropa parlamentini tənqid edir

Bakı/19.07.22/Turan: İyulun 19-da dövlət başçısı İlham Əliyev Avropa parlamentinin Beynəlxalq məsələlər komitəsinin sədri Devid Makalisterin rəhbərlik etdiyi nümayəndə heyətini qəbul edib.

Rəsmi məlumata görə, Əliyev Azərbaycanı "əsassız" tənqid edən Avropa parlamentinin mövqeyindən narazılığını bildirib.

"Ermənistan parlamentilə müqayisədə Avropa parlamenti Azərbaycana qarşı daha aqressivdir ", - o deyib. Əsasən dövlət başçısı İkinci Qarabağ Müharibəsi dövründə "antiazərbaycan" qətnamələrini qeyd edib.

Əliyevin sözlərinə görə, o, Azərbaycanla Avropa Komissiyası və Avropa İttifaqı arasında konstruktiv münasibətlər fonunda bu cür mövqeyi başa düşmür.

Eyni zamanda, o, Avropa parlamenti nümayəndələrinin bir neçə ildir ki, Azərbaycana səfər etməməsindən təəccübünü ifadə edib.

Makalisterin bu ittihamlara nə cavab verdiyi dövlət başçısının saytında yer alan hesabatda açıqlanmır. 0