Bakı/31.10.17/Turan: Azərbaycan öz tarixi torpaqlarında ikinci erməni dövlətinin yaradılmasına imkan verməyəcək. Bunu çərşənbə axşamı prezident İlham Əliyev Türkiyə prezidenti Rəcəb Tayyip Ərdoğanla birgə keçirdiyi brifinqdə bildirib.
Onun sözlərinə görə, prezident Ərdoğanla müzakirə olunan məsələlərdən biri Qarabağ münaqişəsi olub.
"Mən danışıqların hazırkı vəziyyətilə bağlı ona məlumat verdim. Təəssüf ki, münaqişə hələ də həllini tapmayıb. Beynəlxalq təşkilatlar Azərbaycana qarşı ikili standartlar nümayiş etdirirlər və münaqişəni həll etməyə tələsmirlər", - o vurğulayıb.
"Münaqişə ancaq Azərbaycanın ərazi bütövlüyü çərşivəsində həll oluna bilər. Azərbaycan öz tarixi torpaqlarında ikinci erməni dövlətinin yaradılmasına imkan verməyəcək.
Mən bu məsələdə Türkiyənin Azərbaycana olan dəstəyinə görə prezident Ərdoğana öz təşəkkürümü bildirdim. Türkiyə bütün beynəlxalq təşkilatlarda Azərbaycanın haqq işini dəstəkləyir", - İ.Əliyev bildirib.
O, Bakı və Ankara arasında hərbi-texniki əməkdaşlığın inkişafını da qeyd edib.
Bu gün imzalanan sənədlərə toxunan İ.Əliyev qeyd edib ki, bunlar iki ölkə arasında əmtəə dövriyyəsini artıracaq.-02D-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz