Prezident İlham Əliyev: “Qarabağ münaqişəsi keçmişdə qaldı”

Bakı/18.12.20/Turan:  Azərbaycan prezidenti İlham Əliyev bildirib ki, Dağlıq Qarabağ münaqişəsindən artıq keçmiş zamanda danışmaq mümkündür, Qarabağda atəşkəs davam edir və gündən-günə "daha möhkəm olacaq". Bu barədə Azərbaycan prezidenti İlham Əliyev dekabrın 18-də MDB Dövlət Başçıları Şurasının iclasında çıxış edərkən bildirib.

"Mən də Vladimir Vladimiroviç Putinlə tamamilə razıyam ki, Dağlıq Qarabağ münaqişəsi haqqında danışarkən biz artıq keçmişdə olandan danışmalıyıq. Bu, artıq tarixdir", - İ.Əliyev bildirib.

Rusiyanın Qarabağda sülhyaratma missiyasına toxunan İ.Əliyev qeyd ki, bu missiya "çox uğurla həyata keçirilir". Sülhməramlılar Azərbaycanın müvafiq qurumları ilə daim əlaqə saxlayırlar. Barışıqdan təxminən ay yarım ərzində cəmi bir dəfə atəşkəs pozulub. "İnsident cəmi bir gün ərzində başa çatıb, atəşkəs rejimi davam edir və düşünürəm ki, hər gün daha da möhkəm olacaq", - İ.Əliyev deyib.

44 günlük müharibəyə toxunan prezident Ermənistanın baş naziri Nikol Paşinyanı müdafiə edib. Deyib ki, Ermənistanın indiki ordusunu o yaratmayıb, ölkənin keçmiş prezidentləri Serj Sarqsyanla Robert Köçəryan yaradıblar.

"Darmadağın edilmiş ordu Köçəryan və Sarqsyanın yaratdıqları ordudur", - İ.Əliyev deyib və əlavə edib ki, indi Paşinyana “hücum etməyə” cəhd edənlər başa düşməlidir ki,  bu, onun ordusu deyil. olmadığını anlamalıdırlar.

Qeyd edək ki, Paşinyan atasının vəfatı ilə əlaqədar müşavirədə iştirak etmir.-02D-