Azərbaycan prezidenti İlham Əliyev Almaniyaya işgüzar səfəri çərçivəsində Almaniya-Azərbaycan Forumu İdarə Heyətinin sədri Hans-Eberhard Şlayer və bu qurumun digər üzvləri ilə görüşüb.
Görüş zamanı münasibətlərin indiki səviyyəsindən razılıq ifadə edilib, əlaqələrin inkişaf perspektivlərinə dair fikir mübadiləsi aparılıb. Bu barədə prezidentin saytı bildirib.
İ.Əliyev Berlində “Airbus Group” şirkətinin icraçı vitse-prezidenti Jan Pyer Talamoni ilə görüşüb. Görüş zamanı Azərbaycanla Airbus Group” şirkəti arasında səmərəli əməkdaşlıq qeyd olunub. Müxtəlif sahələrdə, o cümlədən “Azərbaycan Hava Yolları” QSC və “Airbus Group” arasında əməkdaşlığın inkişafına dair fikir mübadiləsi aparılıb.
Bundan əlavə, dövlət başçısı Münhen Təhlükəsizlik Konfransının sədri Volfqanq Fridrix İşinqer ilə görüşüb.
Bu gün Berlində ikitərəfli iqtisadi forum keçirilməlidir. Həmçinin İ.Əliyevin AFR-in rəsmi şəxsləri ilə görüşləri planlaşdırılıb.
Ötən gün Human Rights Watch təşkilatı AFR-in rəsmi şəxslərini siyasi məhbusların azad edilməsi, QHT-lərin fəaliyyətinə yaradılan əngəllərin aradan qaldırılması, ümumilikdə ölkədə insan hüquqları sahəsində beynəlxalq öhdəliklərə əməl edilməsi məqsədilə Azərbaycan prezidentinə təzyiq göstərməyə çağırıb.--16D--
Siyasət
-
Bakıdakı Rus Evi ətrafında sosial şəbəkələrdə yayılan dezinformasiyalar Rusiya-Azərbaycan münasibətlərinə xələl gətirmək məqsədi daşıyır.
-
Baş Prokurorluq Bakının Qaradağ, Binəqədi və Xəzər rayonlarında, həmçinin Tərtər rayonunda qanunsuz hasilat aparılması və torpaq sahəsinin qanunsuz zəbt edilməsi faktları üzrə araşdırma aparıb.
-
“Abzas Media” nəşrinin işilə əlaqədar fevralın 11-nə təyin olunmuş növbəti məhkəmə iclası keçirilməyib.
-
Fevralın 11-də prezident İlham Əliyev “Azərbaycan Respublikası hökuməti ilə Rusiya Federasiyası hökuməti arasında “Şimal-Cənub” beynəlxalq nəqliyyat dəhlizi ilə tranzit yük daşımalarının inkişafı məqsədilə əməkdaşlıq haqqında saziş”i təsdiq edib.
Rəy yaz