![Prokurorluq müəyyən edib ki, Sevinc Babayeva Gömrük Komitəsinin hospitalında müalicə olunub](https://turan.az/resized/media/2012/main/123000023434-750-500-resize.webp)
Prokurorluq müəyyən edib ki, Sevinc Babayeva Gömrük Komitəsinin hospitalında müalicə olunub
Sevinc Babayevanın Türkiyənin “Medicana International İstanbul Hospital” xəstəxanasında vəfat etməsi ilə əlaqədar ölümün səbəblərinin müəyyənləşdirilməsi məqsədi ilə onun meyidi məhkəmə-tibbi ekspertizasından keçirilib.
Ekspertiza İstanbul Ədliyyə Tibb İdarəsində Türkiyə hüquq mühafizə orqanları əməkdaşları və məhkəmə-tibb ekspertləri tərəfindən Azərbaycan Prokurorluğu və Daxili İşlər Nazirliyinin əməkdaşlarının, eləcə də Azərbaycanın İstanbuldakı Baş Konsulluğunun nümayəndələrinin iştirakı ilə keçirilib.
Azərbaycan Baş Prokurorluğunun məlumatına görə, ekspertizanın qarşısına S.Babayevanın ölümünə səbəb ola biləcəyi ehtimal olunan bütün fərziyyələr üzrə suallar qoyulub. Hazırda ekspertiza müayinəsi yekunlaşdırılıb və cənazənin Bakıya göndərilməsi üçün müvafiq prosedur tədbirləri görülür.
Azərbaycan hüquq-mühafizə orqanlarının əməkdaşları türkiyəli həmkarları ilə birgə S.Babayevanın İstanbulda olduğu müddətdə yaşadığı ünvan müəyyənləşdirilib, həmin müddətdə onun ünsiyyətdə olduğu şəxslərin dairəsi dəqiqləşdirilməklə onların ətrafında zəruri istintaq-əməliyyat tədbirləri və digər prosessual hərəkətlər həyata keçirilir.
Eyni zamanda araşdırmalarla müəyyən edilib ki, S.Babayeva 6-13 avqust 2012-ci il tarixlərində Azərbaycan Dövlət Gömrük Komitəsinin Tibbi Xidmət İdarəsinin Mərkəzi Hospitalının kardiologiya şöbəsində kəskin ağ ciyər emboliyası” diaqnozu ilə müalicə olunub.
Ekspertizanın nəticəsi barədə Türkiyə tərəfindən müvafiq cavab alındıqdan sonra həyata keçirilmiş araşdırmaların nəticəsi haqda ictimaiyyətə əlavə informasiya veriləcək.–06D-
-
- İqtisadiyyat
- 30 Dekabr 2012 15:05
-
- Siyasət
- 30 Dekabr 2012 16:37
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz