![Putin Yerevandakı davranışına görə cavab verir](https://turan.az/resized/750/500/resize/media/2015/main/050500115056.jpg)
Putin Yerevandakı davranışına görə cavab verir
RF prezidentinin aprelin 24-də Yerevanda səsləndirdiyi düşünülməmiş və populist fikirləri və “erməni soyqırımını” tanıması “Türk axını” qaz kəməri layihəsinin dondurulmasına səbəb olub.
“Kommersant” qəzetinin məlumatına görə, bu layihə Rusiyanın “Qazprom” və Türkiyənin “Botas” dövlət şirkəti arasında danışıqlarda çıxılmaz vəziyyətə düşüb.
Formal səbəb endirim ölçüsü haqqındakı fikir ayrılıqları olub. Bu zaman hər iki tərəf ziyana uğrayır. “Qazprom” boru çəkən gəmilərinin yarım il fəaliyyət göstərməməsinə görə yüz milyonlarla avro itki verib, Ankara isə Rusiya qazını Avropadakı orta qiymətdən 100 dollar baha – min kubmetrini 370 dollara alır. Lakin Türkiyə Rusiya qazından 50 dollar ucuz olan maye qazın idxalını artırır. Nəticədə, apreldə Rusiyadan Türkiyəyə ixrac 38% azalıb.
Tərəflər gizlətmirlər ki, sazişi ləngidən amil RF prezidenti Vladimir Putinin “erməni soyqırımı” haqqında bəyanatı olub. Bu bəyanat Ankaranın kəskin tənqidinə səbəb olub.
* Xatırladaq ki, “Türk axını” Qara Dənizin dibi ilə Rusiyadan Türkiyəyə gedən qaz kəməridir. O, Avropa İttifaqının təcrid etdiyi “Cənub axını”nı (Rusiya-Bolqarıstan) əvəz etməli idi.
Türkiyə-Yunanıstan sərhədində qazın Avropa ölkələrinə nəqli üçün qaz stansiyasının tikintisi nəzərdə tutulurdu.
“Türk axını”nın gücü ildə 50-60 mlrd. kubmetr qaz təşkil etməli idi. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz