Qalib gələn Putin oldu - ekspertlərin üç liderin Soçi görüşü haqqında şərhləri

Bakı/01.11.22/Turan: Azərbaycanın hüdudlarından kənardakı KİV-lərdə ekspertlərin prezidentlər İlham Əliyev, Vladimir Putin və baş nazir Nikol Paşinyan arasında oktyabrın 31-də Soçidə aparılan danışıqların yekunları haqqında rəyləri dərc edilir.

Politoloq Arkadi Dubnov öz telegram kanalında görüşü uğursuz adlandırıb, belə ki, görüşün yekunlarına dair razılaşdırılmış bəyanatdan sülh sazişinə gedən yolda Bakı və Yerevanın mövqelərinin yaxınlaşdırıldığını göstərə biləcək əsas müddəalar çıxarılıb.

Paşinyan Putinin, Yerevanın fikrincə, bu gün qoşunları Ermənistan ərazilərinin bir hissəsinə nəzarət edən Azərbaycanın hərəkətlərinə prinsipial siyasi qiymət verməsinə nail ola bilməyib. Əliyev kompromisə əsas olacaq beş bənddən ibarət mövqeyini qəbul etdirə bilməyib.

Ermənistandan keçən nəqliyyat dəhlizləri problemi ilə bağlı mövqeləri yaxınlaşdırmağın mümkün olduğuna dair dəlil yoxdur.

Vurğulanması təklif olunan yeganə məqam Rusiya sülhməramlılarının və Putinin özünün müsbət rolu olub.

Bu vəziyyətdə Bakı və Yerevanın yenə Qərbdə vasitəçilik axtaracağını, ya da yenidən atəş səsləri eşidiləcəyini təxmin etmək məntiqlidir", deyə Dubnov qeyd edib. 

Yerevanlı şərqşünas Sergey Melkonyan Ermənistanın növbəti diplomatik fiaskosu haqqında yazır.

"Kremlin saytında görüşün yekunlarına dair bəyanat dərc edilib. 1. Mətndə Arsaxın adı keçmir. Qətiyyən. Hətta sülhməramlı kontingentin yerləşdirilməsi haqqında hissədə belə. 2. Əsirlərin qaytarılması haqqında qeyd yoxdur. Bu, göründüyü qədər, "humanitar məsələlər blokuna" daxildir. 3. Və ən əsası, Azərbaycanlıların işğal edilmiş Ermənistan ərazilərindən (təxminən 220 kv km) çıxarılması haqqında heç bir razılaşma əldə olunmayıb", deyə Melkonyan yazır.

Onun sözlərinə görə, Ermənistanın maraqlarına əsaslanan heç nə sənəddə əksini tapmayıb.

Xüsusi tapşırıqlar üzrə səfir Edmon Marukyan isə noyabrın 1-də Twitter-də yazıb ki, "sülhə gedən yol Azərbaycan SQ-nin Ermənistanın suveren ərazilərindən çıxarılmasından, bütün hərbi əsirlərin qaytarılmasından, sərhədlərin Alma-Ata bəyannaməsinə və 1991-ci il tarixli protokola uyğun olaraq delimitasiyasından, tərəflərin suverenliyi əsasında kommunikasiyaların açılmasından, Dağlıq Qarabağ ermənilərinin təhlükəsizliklərinə, hüquqlarına və azadlıqlarına zəmanət verilməsindən keçir".  

REA SEEİİ-nin Yaxın və Postsovet Şərq şöbəsinin müdiri Vladimir Avatkov hesab edir ki, normallaşma yavaş-yavaş, amma öz qaydasında doğru şəkildə gedir. Yeri gəlmişkən, Azərbaycan prezidenti İlham Əliyev bildirib ki, bu məsələdə Rusiyanın fəal rolunu davam etdirəcəyinə ümid edir. Paşinyan bu məsələdə onu dəstəkləyib", deyə Avatkov öz Telegram kanalında yazıb.

"Medalın təsr üzü və pis işarə hələlik ondadır ki, Bakının qalan hissəsi əsasən Türkiyəyə ümid edir, Türkiyə isə heç vaxt imtina cavabı vermir. Yerevan isə Qərblə daha fəal şəkildə ünsiyyət saxlamağa başlayıb".

Amma irəliləyiş var və hətta yuxarıda adı çəkilən şəxslərin Rusiya ərazisində və Rusiyanın himayəsi altında toplaşması faktı belə artıq nədənsə xəbər verir, deyə Avatkov yazıb. 0