Malıbəyli kəndində kütləvi məzarlıqda daha iki nəfərin qalıqları aşkar edilib (yenilənib)

Malıbəyli kəndində kütləvi məzarlıqda daha iki nəfərin qalıqları aşkar edilib, Azərbaycan Baş Prokurorluğu,  Əsir və itkin düşmüş, girov götürülmüş vətəndaşlarla əlaqədar Dövlət Komissiyasının birgə məlumatında deyilir.

* * *

Qarabağda yeni kütləvi məzarlıq aşkar edilib

Aprelin 24-də Xocalı rayonunun Malıbəyli kəndi ərazisində qazıntı işləri aparılarkən ən azı 6 nəfərə aid olduğu ehtimal edilən insan sümük fraqmentləri aşkar edilib. Bu barədə Azərbaycan Baş Prokurorluğu və Əsir və itkin düşmüş, girov götürülmüş vətəndaşlarla əlaqədar Dövlət Komissiyasının birgə məlumatında deyilir.  

İnsan sümüklərinin fraqmentləri Malıbəyli kəndinin "Məhəllə" qəsəbəsində tapılıb.

Məlumatda bildirilir ki, hazırda ərazidə olan insan qalıqlarının tam aşkar edilməsi istiqamətində işlər davam etdirilməklə, sümük fraqmentləri üzrə zərərçəkmişlərin şəxsiyyətinin, onların torpaqda qalma müddətinin müəyyən edilməsi məqsədilə məhkəmə-tibb ekspertləri və mütəxəssislərin iştirakı ilə baxış davam etdirilir.

Faktla bağlı Baş Prokurorluğun Kriminalistika və İnformasiya Texnologiyaları İdarəsində araşdırma aparılır. Qeyd edək ki, bundan əvvəl Xocalı şəhərində Qarabağ münaqişəsi qurbanlarına aid  iki kütləvi məzarlıq aşkar edilib.

Buna qədərsə Şuşada və Qarabağın başqa yerlərində bir neçə məzarlıq aşkar edilib.