Aclıq edən Elnur Həsənovun yaxınları yaxınları onun səhhətindən narahatdırlar

Azərbaycan Xalq Cəbhəsi Partiyasının fəalı Elnur Həsənov aprelin 18-dən 1 saylı Bakı İstintaq Təcridxanasında quru aclıq edir.

Yaxınları onun səhhətindən narahatdırlar.

“Aprelin 24-də Elnur zəng etmişdi. Onun səsi demək olar ki, çıxmırdı, xırıldaya-xırıldaya danışırdı. Biz onun komaya düşəcəyindən narahatıq. Xahiş etməyimizə baxmayaraq, aclığı davam etdirəcəyini bildirdi”, - Həsənovun qohumlarından biri deyib.

Bununla yanaşı, aprelin 25-də özünü təcridxananın əməkdaşı kimi təqdim edən şəxs Həsənovun ailə üzvlərinə zəng edərək rəhbərliklə görüşmək üçün təcridxanaya gəlməyi təklif edib.

Penitensiar Xidmətdə Həsənovun səhhətilə bağlı Turan-ın sorğusuna hələ cavab verməyiblər.

*Elnur Həsənov 28 noyabr 2023-cü ildə narkotik maddələrin qanunsuz dövriyyəsi ittihamı (Cinayət Məcəlləsinin 234.4.3-cü maddəsi) ilə həbs edilib. Fəal hesab edir ki, həbsinin əsl səbəbi yol polisi rəhbərliyinin hərəkətlərini tənqid etməsidir. Aprelin 18-də məhkəmədəki çıxışına hazırladığı qeydlərin götürülməsinə etiraz olaraq aclıq elan edib.

Eyni zamanda Elnur Həsənov ona qarşı cinayət işinin saxtalaşdırılmasına etiraz edir və azaldığa buraxılmasını tələb edir.