![QHT liderləri Açıq Hökümət Platforması yaratmağa çağırıblar](https://turan.az/resized/media/2016/main/080100164161-750-500-resize.webp)
QHT liderləri Açıq Hökümət Platforması yaratmağa çağırıblar
Bir qrup QHT və media rəhbəri Azərbaycan Açıq Hökumət Tərəfdaşlığı Platformasının (AAHTP) yaradılmasını dəstəkləyir.
22 fəalın qəbul etdiyi müraciətdə xatırladılır ki, 2011-ci ildə Azərbaycan Açıq Hökümət Tərəfdaşlığına ilk qoşulanlardan biri olub.
Bu beynəlxalq təşəbbüsü dəstəkləyən 70 ölkə açıq və səmərəli idarəetmə sistemindən istifadə etmək, mülki təhsili genişləndirmək, korrupsiyaya qarşı səmərəli mübarizə aparmaq öhdəlikləri götürüb. Həmçinin vətəndaşların hökumət məlumatlarına çıxışının təmin edilməsi, onların idarəetmədə iştirakı, dövlət idarəetməsində yüksək etika məcəlləsinin, yeni hesabat texnologiyalarının tətbiqi və hökumətin açıqlığı nəzərdə tutulurdu.
Açıq Hökümət Tərəfdaşlığının mühüm prinsiplərindən biri hökumətin vətəndaş cəmiyyəti ilə əməkdaşlığıdır. Təşəbbüsə qoşulduqdan bir il sonra Azərbaycan hökuməti 2012-2015-ci illər üçün Açıq Hökümətin Təşviqi üzrə Fəaliyyət Planı və 2012-2015-ci illər üçün Milli Korrupsiyaya qarşı Mübarizə Planını qəbul edib.
Bu il daha bir sənəd - 2016-2018-ci illərdə Açıq Hökümətin təşviqi üzrə Milli Plan qəbul edilib.
Amma bu sənədlər hazırlanarkən müstəqil vətəndaş cəmiyyəti nümayəndələrinin ictimai nəzarət məqsədilə iştirakı təmin edilməyib. Əksinə, onların fəaliyyəti məhdudlaşdırılıb.
Bunun nəticəsi olaraq 2016-cı ilin mayında Azərbaycanın Açıq Hökümət Tərəfdaşlığındakı statusu fəal iştirakçıdan qeyri-fəal üzrə endirilib. İndi hökumətin öhdəliklərini yerinə yetirməsi və ölkənin əvvəlki statusunu bərpa etməsi üçün bir ildən az vaxt qalıb.
Müraciət müəllifləri 2016-2018-ci illərdə Açıq Hökümətin təşviqi üzrə Milli Planda hakimiyyətin QHT-lərin iştirakı ilə Açıq Hökümət Tərəfdaşlıq Platforması yaratmaq niyyətini bəyan etməsini müsbət qiymətləndirirlər. "Bununla üçün QHT-lərin fəaliyyətindəki məhdudiyyətlər aradan qaldırılmalı və onlarla məsləhətləşmə mexanizmi yaradılmalıdır", deyə müraciətdə qeyd edilir.
Sənəd müəllifləri hakimiyyəti hökumət və QHT arasında dialoqa şərait yaratmağa, vətəndaş cəmiyyətinin təşəbbüslərinə dəstək üzrə məsləhətləşmələr mexanizminin formalaşdırılmasına töhfə verməyə və ölkənin Açıq Hökümət Tərəfdaşlığında tamhüquqlu üzvlüyünün bərpasına şərait yaratmağa çağırırlar.
Müraciəti Əsabəli Mustafayev, Akif Qurbanov, Anar Məmmədli, Azər Mehdiyev, Ələsgər Məmmədli, Qubad İbadoğlu, Xalid Ağaliyev, Mehman Əliyev, Samir Əliyev, Rövşən Hacıbəyli və digər vətəndaş cəmiyyəti fəalları (ümumilikdə 22 nəfər) imzalayıblar. -06D-
Siyasət
-
Rəqəmsal İnkişaf və Nəqliyyat Nazirliyi, İnnovasiya və Rəqəmsal İnkişaf Agentliyi və İsrailin Texnion Texnologiya İnstitutunun əməkdaşlığı nəticəsində yaradılan Azərbaycan Kibertəhlükəsizlik Mərkəzi iyulun 30-da üçüncü "Məzun günü" tədbirini keçirib.
-
Azərbaycan hərbi prokurorunun böyük köməkçisi Firad Əliyev Turan-a bildirib ki, Laçınova qarşı Azərbaycan Cinayət Məcəlləsinin 179.4-cü və 32.5, 341.2.3-cü maddələrilə ittiham elan edilib. Azərbaycan Hərbi Prokurorluğunun təqdimatına əsasən, Bakı Hərbi Məhkəməsinin qərarı ilə onun barəsində həbs qətimkan tədbiri seçilib.
-
Bakı Ağır Cinayətlər Məhkəməsində Elşən Nəcəfovun işi üzrə proses keçirilir. 2023-cü ilin sentyabrında Dövlət Təhlükəsizliyi Xidməti tərəfindən saxlanılan Nəcəfov terror aktının hazırlanmasında ittiham olunur.
-
Bazar ertəsi Bayden administrasiyası Ukraynaya 1,7 milyard dollar dəyərində yeni hərbi yardım təqdim etdiyini açıqlayıb. Hərbi yardım paketinə raketlər, döyüş sursatları, tank əleyhinə silahlar və digərləri daxildir, Turan-ın Vaşinqton müxbiri bildirib.
Rəy yaz