Qafqaz Müsəlmanları İdarəsinin (QMİ) sədri, şeyxülislam Allahşükür Paşazadənin başçılığı ilə nümayəndə heyəti bazar ertəsi Aşqabada yola düşüb. Bu xəbər Turan-a QMİ-dən məlum olub.
Səfərin yanvarın 16-na kimi davam edəcəyi bildirilir. Məqsəd isə Azərbaycan və Türkmənistan xalqları arasında mövcud tarixi-mənəvi əlaqələri, qardaşlıq münasibətlərini daha da inkişaf etdirməkdir.
Nümayəndə heyətinin Türkmənistan parlamenti, Xarici İşlər Nazirliyi, Ağsaqqallar Şurası, Dini Məsələlər üzrə Komitə rəhbərliyi və s. görüşlər keçirməsi nəzərdə tutulur.
Səfər çərçivəsində paytaxt Aşqabad və Marı şəhərində tarixi-mədəni abidələrin, məscidlərin ziyarət olunması da nəzər alınıb.
QMİ sədrinin rəhbərlik etdiyi nümayəndə heyətinin tərkibinə deputatlar, din xadimləri, media mənsubları daxildir. -05D-
Siyasət
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
Baş Prokurorluq kənd təsərrüfatı məhsullarının ixracından əldə olunan külli miqdarda pul vəsaitini ölkəyə qaytarmayan şəxslərin məsuliyyətə cəlb olunması ilə bağlı növbəti məlumatı yayıb.
-
2024-cü ildə Azərbaycanın dövlət sərhədini pozduğuna görə 514 nəfər, sərhəd rejimini pozduğuna görə 10500 nəfər, axtarışda olan 3 726 nəfər saxlanılıb. Bu barədə Dövlət Sərhəd Xidmətinin 2024-cü ildə fəaliyyətinin yekunlarına dair hesabat müşavirəsində bildirilib.
-
Amnesty International beynəlxalq hüquq- müdafiə təşkilatı Azərbaycanda həbs olunmuş yeddi jurnalistin və media işçisinin azad edilməsi tələbilə kampaniyaya başlayıb.
Rəy yaz