REAL fəalı 7 gün müddətinə həbs edilib

Bazar günü REAL vətəndaş hərəkatının lideri İlqar Məmmədovun hüquqlarını müdafiə aksiyasında iştiraka görə hərəkatın fəalı Asif Oruclu 7 gün müddətinə həbs edilib. Bu barədə Turan-a Müsavat Partiyası sədrinin müşaviri Yeganə Hacıyeva bildirib.

Onun sözlərinə görə, REAL-ın icraçı katibi Natiq Cəfərli Turan-a bildirib ki, Oruclu bazar günü axşam Məmmədova dəstək üçün flaş-mob keçirilməsi nəzərdə tutulan Sahil parkının yaxınlığında saxlanılıb.

Oruclu üzərində Məmmədovun təsviri olan futbolka geymişdi. Aksiyanın digər iştirakçıları çox sayda polis görərək, aksiyanı təcili olaraq başqa yerə keçiriblər.

Oruclu saxlanıldığı haqqında yalnız axşam saatlarında məlumat verə bilib.

Bazar ertəsi onu vəkili olmadan mühakimə ediblər.

Cəfərlinin sözlərinə görə, flaş-mobdan başqa, aksiya üzərində Məmmədovun təsviri olan futbolka geymiş kiçik qrup fəalların yürüşü formasında keçirilib. Ümumilikdə aksiyada təxminən 60 nəfər iştirak edib. Digər aksiya iştirakçılarından heç kim saxlanılmayıb.

Oruclu həmçinin Avropa Şurasının Bakı Siyasi Araşdırmalar Mərkəzində Məmmədovun köməkçisi, habelə LYNC (Cənubi Qafqaz gənclərin liberal şəbəkəsi) təşkilatının fəalıdır.

Xatırladaq ki, İlqar Məmmədov 23-24 yanvar tarixlərində İsmayıllıda iğtişaşlar təşkil etmək barədə saxta ittihamla həbs edilib. -16D-