Ilgar Mammadov
REAL vaxtından əvvəl parlament seçkilərinin keçirilməsini tələb edir
Bakı/05.09.18/Turan: REAL Partiyasının sədri, ötən ay həbsdən azad edilmiş İlqar Məmmədov vaxtından əvvəl parlament seçkilərinin keçirilməsini tələb edir. O, FB səhifəsində vaxtından əvvəl parlament seçkilərinin vacibliyini onunla əsaslandırır ki, mövcud parlament xalqın maraqlarını təmsil etmir, 2018-ci ilin aprelində keçirilmiş prezident seçkiləri isə "ən gülünc tamaşa idi. Beynəlxalq müşahidəçilərin rəyləri əvvəlki seçkilərdə olduğundan daha mənfi olub".
Əgər İlham Əliyev dövlətin idarə edilməsində siyasi tarazlıq prinsipini görürsə və ictimai-siyasi vəziyyətdə gərginlik istəmirsə, Milli Məclisə növbədənkənar seçkilərə razılaşmalıdır. Ancaq bu seçkilər bir oliqarxa məxsus "cib deputatları"nın digər oliqarxın "cib deputatları" ilə əvəzlənməsi yolu ilə olmayacaq",- İ.Məmmədov yazıb.
Vaxtından əvvəl seçkilər ondan ötrü lazımdır ki, yeni tərkibdə Milli Məclis xalqın icra hakimiyyəti qarşısındakı maraqlarını təmsil edə bilsin və saxta prezident hakimiyyəti ilə ümumi dil taparaq demokratiyaya dinc keçidi həyata keçirsin", REAL sədri açıqlama verib.
2013-cü ildə İsmayıllıda kütləvi itaətsizlik aksiyalarına təhrikdə ittiham olunaraq 7 il azadlıqdan məhrum edilmiş İlqar Məmmədov Strasburq İnsan Hüquqları Məhkəməsinin və Şəki Apellyasiya Məhkəməsinin qərarlarının nəticəsində 2018-ci il avqustun 13-də vaxtından əvvəl şərti azadlığa buraxılıb.
2018-ci ilin aprelində Azərbaycanda vaxtından əvvəl prezident seçkiləri keçirilib. Seçkilərin yekunlarına əsasən İlham Əliyev dördüncü dəfə prezident elan edilib.-0-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz