Rəcəp Tayyib Ərdoğan ermənilərə müraciət edib

Ankara /24.04.18/Turan: Türkiyə prezidenti Rəcəp Tayyib Ərdoğan İstanbuldakı Erməni Apostol Kilsəsinin din xadimlərinə məktub göndərib.

"Etnik ermənilərdən ibarət həmvətənlərimizin yaşadıqları ağrını bölüşürük", - dövlət başçısının məktubunda deyilir.

"Əziz erməni həmvətənlərim, sizləri sevgi ilə salamlayıram. Bu gün İstanbul erməni patriarxatına toplaşaraq Birinci Dünya Müharibəsi dövründə həlak olmuş osmanlı ermənilərinin xatirəsini anırsınız", - müraciətdə deyilir.

Ərdoğan qeyd edib ki, öz həyatını itirmiş osmanlı ermənilərinin övladlarına və nəvələrinə başsağlığı verir.

"Biz əqidəmizə, dilimizə, dinimizə, etnik və mədəni məişətimizə fərq qoymadıq. Bu gün də qardaşlığı, sülhü və əmin-amanlığı möhkəmləndirməyə, bir millət kimi irsimizi qorumağa çalışırıq. Biz sizin problemlərin həlli yollarının axtarışını davam etdirəcəyik", - müraciətdə vurğulanır.

"Türk milləti üçün erməni vətəndaşların tarixinə tərəfdaş olmaq, onların acısını bölüşmək vacibdir.

Buz bundan sonra da sizin problemlərin həlli yollarını axtaracağıq və vətəndaşa onun əqidəsinə, dininə və ənənəsinə görə münasibət göstərilməsinə imkan verməyəcəyik.

Bizim ümumi keçmişimizi təhrif edənlərə, tariximizdə nifrəti, ədavəti təşviq edənlərə imkan yaratmamağı xahiş edirəm.

Bunu nəzərə alaraq, Birinci Dünya Müharibəsi dövründə itirdiyimiz osmanlı ermənilərinə sayğı ilə yanaşıram", - müraciətdə deyilir.02D-