![Rövşən Əsgərova qarşı "nasizmin reabilitasiyası" haqqında cinayət işi açılıb](https://turan.az/resized/media/2022/main/042700044160-750-500-resize.webp)
Rövşən Əsgərova qarşı "nasizmin reabilitasiyası" haqqında cinayət işi açılıb
Bakı/27.04.22/Turan: Rövşən Əsgərovun sosial şəbəkələrdəki nəşrlərinə görə Moskvada ona qarşı nasizmin reabilitasiyası haqqında cinayət işi açılıb, xəbəri RİA Novosti RF İstintaq Komitəsinə istinadla verib. İş RF CM-in 354.1-ci maddəsinin 4-cü hissəsi ilə açılıb.
"RF İK müəyyən edib ki, Əsgərov aprelin 6-dan əvvəl Facebook-da dahi rus sərkərdəsi və Vətənin keşikçisi, Sovet İttifaqı marşalı Georgi Jukovun xatirəsini təhqir edən və ləkələyən yalan məlumatlar dərc edib. Bu əməllərə görə qanunla müəyyən edilmiş cinayət məsuliyyəti tətbiq ediləcək", deyə məlumatda bildirilir.
Təqsirli hesab ediləcəyi təqdirdə Əsgərov 5 mln. rubla qədər cərimə və ya beş ilə qədər azadlıqdan məhrumetmə ilə cəzalandırıla bilər.
Amma qeyd edilən tarixdə, ondan əvvəl və sonra Əsgərovun hesabında Jukov haqqında heç bir status yoxdur. Eyni zamanda, Əsgərovun səhifəsində Ukraynadakı müharibənin müəlliflərinə, faşist Almaniyası ilə tarixi bənzərlik və müqayisələrə, Rusiya televiziyasının və onun təbliğatçılarının fərsizliyinə çox sayda mənfi eyhamlar var.
Əsgərov statuslarından birində İnzibati Xətalar Məcəlləsinə İkinci Dünya müharibəsi zamanı SSRİ və faşist Almaniyasının rolunun açıq şəkildə eyniləşdirilməsinə görə məsuliyyət haqqında düzəlişlərə görə Rusiya Dövlət Dumasını tənqid edir.
* Rövşən Əsgərov daha çox Moskvada yaşayan Azərbaycan və Rusiya vətəndaşıdır, "Bakı" jurnalının direktorudur.
Bu nəşrin baş redaktoru Heydər Əliyev Fondunun vitse-prezidenti Leyla Əliyevadır.
Əsgərov həmçinin "Çto, gde, kogda?" ("Nə, harada, nə vaxt?") televiziya oyununun fəal iştirakçısıdır. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz