Ruben Vardanyan məhkəməyə çıxarılacaq

Rusiyalı oliqarx, Qarabağın separatçı rejiminin keçmiş "dövlət naziri" Ruben Vardanyanın işi üzrə ibtidai istintaq başa çatıb.

Azərbaycan Baş Prokurorluğunun və Dövlət Təhlükəsizliyi Xidmətinin məlumatına görə, ona qarşı Azərbaycan CM-in aşağıdakı maddələri ilə cinayət işi açılıb: 100 (təcavüzkar müharibəni planlaşdırma, aparma), 107 (əhalini deportasiya etmə və ya məcburi köçürmə), 109 (təqib), 112 (beynəlxalq hüquq normalarına zidd azadlıqdan məhrum etmə), 113 (işgəncə), 114 (muzdluluq), 115 (müharibə qanunlarını və adətlərini pozma), 116 (silahlı münaqişə zamanı beynəlxalq humanitar hüquq normalarını pozma), 214 (terrorçuluq), 214-1 (terrorçuluğu maliyyələşdirmə), 218 (cinayətkar birlik (təşkilat) yaratma), 228 (qanunsuz olaraq silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və gəzdirmə), 270-1 (aviasiya təhlükəsizliyinə təhdid yaradan əməllər), 278 (hakimiyyəti zorla ələ keçirmə və onu zorla saxlama, dövlətin konstitusiya quruluşunu zorla dəyişdirmə), 279 (qanunvericiliklə nəzərdə tutulmayan silahlı birləşmələri və qrupları yaratma), 318 (Azərbaycan Respublikasının dövlət sərhədini qanunsuz olaraq keçmə).  

İşə Bakı Hərbi Məhkəməsində baxılacaq. İlkin ittihamlara əsasən, Vardanyanı ömürlük həbs cəzası gözləyir.