Bakı/09.12.19/Turan: Rusiya irimiqyaslı yarışlardan, o cümlədən olimpiada və dünya çempionatlarında çıxış etmək hüququndan məhrum olunub. Bu barədə Ümumdünya Antidopinq Agentliyinin (WADA) İcraiyyə Komitəsi yekdilliklə qərar çıxarıb.
Qərar komitənin saytında yer alır.
Həmin qərara görə, Rusiya 4 il müddətinə dünya çempionatları keçirmək və ya mundialların təşkili üçün ərizə vermək hüququndan da məhrum edilib.
Qərarda deyilir ki, qadağa dövlət qulluqçularına, Milli Olimpiya Komitəsi və Milli Paralimpiya Komitəsinin rəhbərliyinə şamil olunub.
Qərara Rusiya idmanında genişmiqyaslı dopinq pozuntuları, o cümlədən Moskva Antidopinq Laboratoriyasının məlumatlar bazasına dəyişikliklər etmək cəhdləri səbəb olub.
RUSADA Rusiyanın Antidopinq Agentliyi WADA-nın qərarı ilə uyğunluq statusundan məhrum edilib. Beləliklə, Rusiya idmançıları 2020-ci ildə Tokioda və 2022-ci ildə Pekində Rusiya bayrağı altında iştirak edə bilməyəcəklər. Qərar dopinqlə əlaqələri olmadığını sübut edə biləcəkləri təqdirdə onların neytral bayraq altında iştirakını qadağan etmir.
Rusiya idmanında dopinq qalmaqalı bir neçə ildir davam edir. Rusiya hakimiyyəti dopinq proqramının dövlət səviyyəsində mövcud olduğunu inkar edir. -06D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz