Rusiya səfirliyi Zabrat qəbiristanlığında məzar daşlarının sındırılmasını pisləyib

Bakı/19.04.23/Turan: Rusiyanın Azərbaycandakı səfirliyi aprelin 19-da axşam saatlarında dərc etdiyi şərhdə deyilir:

Bakı şəhəri, Sabunçu rayonu, Zabrat kəndinin “Rus qəbiristanlığı”nda baş verənlərlə bağlı çoxsaylı sorğulara cavab olaraq aşağıdakıları bildiririk.

100-ə yaxın soydaşımızın məzarına ziyan vurmuş vandalizm aktını qətiyyətlə pisləyirik. Bu narahatlığ  və qəzəb dogurur.

Bu yaramaz hərəkətin miqyasını nəzərə alsaq, bunu təsadüfi xuliqanlıq saymaq çətindir. Tolerantlıq və multikulturalizm siyasəti yürüdən Azərbaycanda bunun baş verməsi təəssüf doğurur. Əməlin mahiyyəti rəsmi qiymətin olacagına  əsas verir.

Səfirliyin əməkdaşları bütün təfərrüatları öyrənmək üçün dərhal hadisə yerinə gediblər. Biz yerli hakimiyyət orqanları və Azərbaycanın rus icması ilə sıx əlaqə saxlayırıq.

Bu hadisəyə hüquq-mühafizə orqanlarının cəlb olunmaqla operativ reaksiyasına və cinayət işinin başlanmasına görə Azərbaycan Respublikasının rəhbərliyinə təşəkkür edirik. Sınıq məzar daşlarının və abidələrin bərpa olunacağına dair təminatların alınması vacibdir.

Ümid edirik ki, bu vəhşi cinayəti törədənlər tapılaraq Azərbaycan Respublikasının qanunvericiliyi ilə müəyyən edilmiş qaydada məsuliyyətə cəlb olunacaq və cəzalarını alacaqlar”. -0-