Rusiya və Azərbaycan Xəzəryanı regionda təhlükəsizlik məsələləri üzrə əməkdaşlıq edəcəklər

Noyabrın 11-də Moskvada RF Təhlükəsizlik Şurasının katibi Nikolay Patruşevlə Azərbaycan Prezident Administrasiyasının rəhbəri Ramiz Mehdiyevin görüşü olub.

RF Təhlükəsizlik Şurasının saytında məlumat verilir ki, həmsöhbətlər Xəzəryanı regionda beynəlxalq təhlükəsizliyə dair aktual məsələləri, həmçinin hüquq-mühafizə orqanları arasında əməkdaşlıq perspektivlərini müzakirə ediblər.

Görüşün sonunda N.Patruşev və R.Mehdiyev 2016-2017-ci illərdə Rusiya Federasiyası və Azərbaycan Respublikası Təhlükəsizlik şuraları aparatları arasında əməkdaşlıq planını imzalayıblar.

Həmin gün Moskvada MDB ölkələri Təhlükəsizlik şuraları rəhbərlərinin görüşü olub. Görüş iştirakçıları MDB məkanında milli təhlükəsizliyin təminatı məsələsini müzakirə ediblər.

Əsasən qanunsuz miqrasiyaya qarşı mübarizə, beynəlxalq informasiya təhlükəsizliyinin təminatında koordinasiya məsələləri müzakirə edilib.

“İslam dövləti” terror təşkilatının ekspansiyasının qarşısının alınmasına, o cümlədən MDB dövlətləri vətəndaşlarının İŞİD sıralarına cəlb edilməsinə qarşı mübarizəyə dair birgə addımlar müzakirə edilib”, - məlumatda deyilir.02D-