![Senat Komitəsi Riçard Morninqstarın Azərbaycana səfir postuna namizədliyini təsdiqləyib](https://turan.az/resized/750/500/resize/media/2012/main/062000002676.jpg)
Senat Komitəsi Riçard Morninqstarın Azərbaycana səfir postuna namizədliyini təsdiqləyib
İyunun 19-da Senatın Xarici Əlaqələr üzrə Komitəsinin iclasında qurum üzvləri Riçard Morninqstarın ABŞ-ın Azərbaycandakı səfiri postuna namizədliyinin lehinə səs veriblər. İndi qalır sonuncu mərhələ - Senatın ümumi səsverməsi.
Bugünkü prosesdə demək olar ki, onun namizədliyinə qarşı çıxan olmayıb. Belə ki, erməni icmasına yaxınlığı ilə seçilən və vaxtilə Metyu Brayzanın namizədliyini əngəlləmiş senatorlar Barbara Boxer ilə Menendes öz səslərini onun xeyrinə veriblər.
Onlar səfiri Azərbaycan rəhbərlliyi ilə görüşlərində onu “Dağlıq Qarabağ və Ermənistana qarşı müharibə ritorikasından çəkinməyə, cəbhədə hücumların qarşısının alınması üçün fəaliyyətə, eləcə də erməni kilsəsi və məzarlıqları ilə bağlı narahatlqıları ciddi araşdırmağa səsləyiblər.
R.Morninqstar öz növbəsində sülhün və toleralizmin ABŞ xarici siyasətinin də marağında olduğunu bildirəcəyini bəyan edib. O söz verib ki, Azərbaycan rəhbərliyini xalqı müharibəyə yox, sülhə hazırlamasına çağıracaq.
Senatın ümumi yığıncağının R.Morninqstarın işini nə zaman səsə qoyacağı hələ məlum deyil. -25B-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz