Moskva /03.09.18/Turan: Kreml Ermənistanın yeni hökumətinin hərəkətlərindən qıcıqlandığını nümayiş etdirməyə davam edir.
Növbəti dəfə bu əhval-ruhiyyəni RF XİN rəhbəri Sergey Lavrov Moskva Beynəlxalq Münasibətlər İnstitutunun tələbələri qarşısındakı çıxışında ifadə edib.
Ermənistanın keçmiş rəhbərlərinin təqib olunmasına Rusiyanın münasibəti ilə bağlı sualın cavabında o deyib: "Biz ölkənin daxili işlərinə müdaxilə kimi yozulacaq heç bir hərəkət etməmişik, heç bir bəyanat verməmişik. Deyə bilmərəm ki, digər xarici oyunçular da belə hərəkət ediblər".
O, söhbətin hansı "xarici oyunçular"dan getdiyini dəqiqləşdirməyib və əlavə edib: "Ermənistanda çoxillik tarixi olan hadisələrin araşdırılması Rusiyanı narahat edir". Ancaq o, bunun Ermənistanın daxili işi olduğunu etiraf edib.
S.Lavrov ümidvar olduğunu bildirib ki, Ermənistan diqqətini "yaradıcı vəzifələrə" yönəldəcək və Kollektiv Təhlükəsizlik Müqaviləsi Təşkilatı qarşısındakı öhdəliklərinə əməl edəcək. Həmçinin o deyib ki, prezident Vladimir Putin yaxın vaxtlarda Ermənistanın baş naziri Nikol Paşinyanla görüşəcək.02D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz