Bakı/24.01.19/Turan: Cümə günü "Tufan" S-206 yeni sərhəd gözətçi gəmisi Xəzərdə xidməti-döyüş fəaliyyətinə başlayıb. Bu barədə Azərbaycan Dövlət Sərhəd Xidməti məlumat yayıb.
Yeni gəmi müasir naviqasiya və radiotexniki avadanlıqlarla təchiz edilib. Gəminin bortunda raket və raket əleyhinə komplekslər, gecəgörmə sistemi və hidroakustik qurğu quraşdırılıb.
Gözətçi gəmisinin uzunluğu 62 metrdir, sürətli katerlər və vertolyot meydançası ilə təchiz edilib.
Yeni gəmi sərhəd sularında dövlət sərhəd təhlükəsizliyinin təmin edilməsi, neft-qaz infrastrukturunun mühafizəsinin təminatı funksiyasını yerinə yetirəcək.
Yeni gəmi Sərhəd Xidməti Sahil Mühafizəsinin Gəmi İnşası və Təmiri Mərkəzində inşa edilib. -02D-
Siyasət
-
Noyabrın 15-də zoomüdafiəçi Kamran Məmmədli COP29 iqlim konfransı ərazisində etiraz aksiyası keçirərkən saxlanılıb. O, küçə itlərinin vurulmasına etiraz edib.
-
"Abzas Media"nın həbsdə olan jurnalistlərin təzyiqə məruz qaldıqları bildirilir. Jurnalistlərin yaxınlarının məlumatına görə, Nərgiz Absalamova saxlandığı 1 saylı Bakı İstintaq Təcridxanasında noyabrın 14-də nəzarətçi tərəfindən təhqirə məruz qalıb.
-
Noyabrın 15-də Tbilisi Şəhər Məhkəməsi Azərbaycanın Azel.Tv saytının rəhbəri Əfqan Sadıqovun Gürcüstanda siyasi sığınacaq almaq müraciətinə imtina cavabı ilə bağlı şikayətinə mahiyyəti üzrə baxıb.
-
ABŞ uzun müddətdir ki, Azərbaycanla energetika və fosil yanacaq tullantıları üzrə əməkdaşlıq edir. Əsasən, söhbət CO2 karbon dioksid tullantılarını azaldan və təmiz enerjiyə keçidə kömək edən texnologiyalardan gedir. Bu barədə noyabrın 15-də Bakıda COP29 zamanı mətbuat konfransında ABŞ-ın energetika naziri Cennifer M.Qranholm Turan-ın “Bərpa olunan və yaşıl enerjiyə keçiddə ABŞ Azərbaycana necə kömək edə bilər? sualının cavabında deyib
Rəy yaz