Açiq mənbələrdən foto.
“Sərhədsiz Reportyorlar” Elçin İsmayılın azad edilməsini alqışlayır, digər jurnalistləri də azad etməyə çağırır
Bakı/19.03.21/Turan: “Sərhədsiz Reportyorlar” mətbuat azadlığını müdafiə təşkilatı Azərbaycanda Novruz bayramına həsr edilmiş amnistiya çərçivəsində reporyor Elçin İsmayılın azad edilməsini alqışlayır.
“Sərhədsiz Reportyorlar bunu alqışlayır, amma saxta ittihamlarla həbs edilmiş digər üç jurnalisti də azad etməyə çağırır”, deyə təşkilatın Tvitter səhifəsində yer alan məlumatında bildirilir.
“Azadlıq” qəzetinin, həmçinin “Azadlıq” radiosunun bölgə müxbiri Elçin İsmayıl 2017-ci ildə uydurma rüşvət tələb etmə ittihamı ilə həbs edilib. Onun həbsinin əsl səbəbi korrupsiya və vətəndaşların hüquqlarının pozulması haqqında tənqidi materiallar olub. -02D-
Siyasət
-
Azərbaycan Prezidenti İlham Əliyev çərşənbə axşamı Bişkekdə keçirilən Türkdilli Dövlətlər Təşkilatının (TDT) 11-ci dövlət başçıları sammitində təşkilat daxilində daha dərin əməkdaşlığa və maliyyə dəstəyinin artırılmasına ehtiyac olduğunu vurğuladı. Bu il təşkilatın əsasını qoyan Naxçıvan Sazişinin 15 illiyi qeyd olunur və Əliyev son on beş ildə onun əhəmiyyətli inkişafını qeyd etdi.
-
Noyabrın 6-da Ali Məhkəmədə demokratik.az saytının rəhbəri Osman Nərimanoğlunun (Rzayev) pul tələb etmə ittihamı ilə 6,5 il müddətinə azadlıqdan məhrum edilməsi haqqında hökmdən verdiyi şikayətə baxılması başa çatıb.
-
Bakıda COP29-da iştirak edən Avropa İttifaqı liderləri ölkədə siyasi məhbuslar məsələsini birbaşa Azərbaycan hakimiyyəti qarşısında qaldırmalı və onların azad edilməsini tələb etməlidir. Bu barədə 17 beynəlxalq hüquq müdafiə təşkilatının noyabrın 6-da dərc etdiyi birgə bəyanatda bildirilir.
-
Müxalif Müsavat Partiyası hakimiyyətin bələdiyyə seçkilərinin elan edilməsini yubadması faktını pisləyib və vətəndaşların hüquqlarının pozulması ilə bağlı açıqlama tələb edib. Bələdiyyə seçkilərinin Seçki Məcəlləsində nəzərdə tutulan müddətdə elan edilməməsi noyabrın 5-də Müsavat Partiyasının İdarə Heyətinin iclasında tənqid olunub.
Rəy yaz