Azərbaycan dilində ilk asılılıq təbabəti dərsliyinin təqdimatı

Bakı/19.03.21/Turan: 2021-ci il martın 18-də Azərbaycan Səhiyyə Nazirliyinin Psixi Sağlamlıq Mərkəzində (PSM) “Asılılıq Təbabətinin Əsasları” adlı kitabın ictimai təqdimatı keçirilmişdir. Bu barədə Çexiyanın

Azərbaycandakı səfirliyinin yaydığı məlumatda deyilir. 

Məlimata görə, kitab Amerika Asılılıq Təbabəti Cəmiyyəti tərəfindən əsli əsasında nəşr olunmuşdur.

Kitab Azərbaycanda maddə asılılığının müalicəsi və reabilitasiyası sahəsində biliklərə əsaslanan bir infrastrukturun yaradılmasına dəstək olan əməkdaşlığın inkişafı layihəsi çərçivəsində Çexiya Xarici İşlər Nazirliyi tərəfindən maliyyələşdirilmişdir.

PSM-nin direktoru, professor Fuad İsmayılov, Çexiya Respublikasının Azərbaycandakı Səfiri Milan Ekert və kitabın tərcüməsinə rəhbərlik edən Dr. Araz Manuçeri-Laleinin giriş sözlərindən sonra Azərbaycanın müxtəlif tibb müəssisələrindən 10 mütəxəssis müzakirəyə qatıldı.

Çexiya Səfirliyi kitabı Azərbaycan daxilində psixiatrlara və asılılıq təbabəti sahəsi üzrə mütəxəssislərə yayaraq, Dayanıqlı İnkişaf Məqsədlərinə, xüsusən də maddə asılılığının qarşısının alınmasını və müalicəsinin gücləndirilməsini özündə cəmləşdirən Məqsəd 3 (Yaxşı Sağlamlıq və Rifah) nailiyyətə çatmasına töhfəsini verir.-0-