Серж Саркисян
Yerevan/26.04.18/Turan: Serj Sarkisyan Ermənistanda hakim Respublika Partiyasının sədri vəzifəsini tərk etməyi qərara alıb. Bu qərar partiyanın parlament fraksiyası üzvlərinin aprelin 25-də keçirilən görüşündə qəbul edilib.
Respublika Partiyasının saytında yer alan məlumata görə, "Respublika Partiyasının sədrinin dəyişdirilməsi haqqında müzakirələrə başlamaq qərarı verilib.
Eks-prezident və hökumətin keçmiş başçısı Serj Sarkisyan iştirakçılara aprelin 23-də istefa verməsinin səbəbini izah edib, ölkədə daxili sülh və sabitliyi qoruyub saxlamaq üçün partiyanın parlament fraksiyasının mümkün işinin müxtəlif ssenarilərini təqdi edib".
Bu arada, hökumətin yeni başçısı məsələsi mayın 1-də həll olunmalıdır.
Etirazların lideri Nikol Paşinyan yeni hökumətə başçılıq etmək istəyini elan edib. O, həmçinin yeni baş nazirin Respublika Partiyasının üzvü olmasına yol verməyəcəyini bəyan edib. -02D-
Siyasət
-
Toplum TV-nin təsisçisi Ələsgər Məmmədli bu gün Xətai Rayon Məhkəməsində pis rəftara məruz qalıb. O, həbs müddətinin uzadılması ilə əlaqədar oraya aparılmışdı. İstintaq Təcridxanasına qaytarıldıqdan sonra qardaşı Nəsimi Məmmədliyə zəng edib və proses başlayana qədər onu qolları qandallı halda məhkəmə binasında bir otaqda saatlarla gözlətdiklərini bildirib.
-
Azərbaycan hökuməti Ukraynanın işğaldan azad edildikdən sonra bərpa olunan İrpen şəhərində 4 layihəni maliyyələşdirəcək. Bu barədə həmin şəhərin meri Oleksandr Markuşin oktyabrın 2-də Azərbaycan prezidentinin xarici siyasət məsələləri üzrə köməkçisi Hikmət Hacıyevlə görüşdən sonra facebook-da yazıb.
-
"Vidadi İsgəndərlinin zorakı qətli səmərli və operativ şəkildə araşdırılmalıdır. Fransa hakimiyyətini onun mühacirətə getməsinə səbəb olan Azərbaycan prezidentinin və hökumətinin tənqidi də daxil olmaqla, qətlin bütün mümkün motivlərini nəzərdən keçirməyə çağırırıq. Bu mənfur cinayət təcili araşdırılmalıdır və ədalətli məhkəmə təhqiqatı zamanı bu cinayətdə şübhəli bilinən hər kəs məsuliyyətə cəlb edilməlidir". Bu barədə Amnesty İnternational təşkilatının Cənubi Qafqaz üzrə nümayəndəsi Natalya Nozadzenin bəyanatında bildirilir.
-
2-3 oktyabr tarixlərində Rusiyanın Xarici Kəşfiyyat Xidmətinin direktoru Sergey Narışkin Bakıya rəsmi səfərə gəlib. Səfər zamanı Azərbaycan prezidenti İlham Əliyev və Azərbaycanın Xarici Kəşfiyyat Xidmətinin və Dövlət Təhlükəsizliyi Xidmətinin rəhbərliyi ilə görüşlər keçirilib.
Rəy yaz