"Şərq Tərəfdaşlığı"nın uzunmüddətli hədəfləri təqdim edib

Bakı/19.03.20/Turan: Avropa Komissiyası (AK) və Xarici İşlər və Təhlükəsizlik Siyasəti üzrə Nümayəndə "Şərq Tərəfdaşlığı" proqramının 2020-ci ildən sonrakı dövr üçün uzunmüddətli siyasi hədəfləri barədə təkliflər irəli sürüb.

Bu təkliflər Ermənistan, Azərbaycan, Belarus, Gürcüstan, Moldova və Ukrayna ilə ticarətin genişləndirilməsinə, əlaqələrin möhkəmləndirilməsinə və iqtisadi inteqrasiyanın dərinləşdirilməsinə, demokratik institutların, qanunun aliliyinin, ekoloji sabitliyin və iqlim sabitliyinin möhkəmləndirilməsinə, ədalətli cəmiyyətlərin yaradılmasında yardıma yönəlib.

Avropa Komissiyasının press-relizində deyilir ki, "Şərq Tərəfdaşlığı" Aİ-nin xarici siyasətinin mühüm elementi olaraq qalmaqdadır. "Bizim təkliflərimiz ortaq prioritetləri və problemləri əks etdirməklə, altı tərəfdaş ölkənin daha da möhkəmlənməsinə şərait yaradacaq", deyə Aİ-nin Ali Nümayəndəsi Cozep Borrell bildirib.

Press-relizdə qeyd edilir ki, Aİ+6 tərəfdaşlığı sabit və inteqrasiya olunmuş iqtisadiyyatın yaradılması, qanunun aliliyinin və təhlükəsizliyin təmin edilməsi, demokratik institutların qurulması, insan hüquqlarına hörmət və təhlükəsizlik üçün şərait yaradır.

Demokratiya üçün azad və ədalətli seçkilər vasitəsilə formalaşmış, ədalətli cəmiyyətlər, hesabat verən dövlət orqanlar zəruridir. Vətəndaş cəmiyyəti, azad, çoxsaylı və müstəqil KİV-lərlə birlikdə onlar həyat qabiliyyətli demokratik cəmiyyətlərin əsas komponentidir.

Komissiya və Avropa Xarici Fəaliyyət Xidməti 2020-ci ilin iyununda keçiriləcək Şərq Tərəfdaşlığı Sammiti ilə əlaqədar üzv dövlətlərin və tərəfdaş ölkələrin bu təklifi təqdir edəcəklərini gözləyir. -0-