Tehran Xəzərdə neft-qaz yataqlarının birgə işlənməsini təklif edir
İranın neft naziri bildirib ki, prezident Ruhani bu gün Azərbaycan prezidenti İlham Əliyevlə görüşündə ona Xəzərdə neft-qaz əməkdaşlığına dair yeni plan təklif edəcək.
MEHR agentliyinin məlumatına görə, Azərbaycan prezidentinin Tehranda bugünkü görüşü zamanı İran Azərbaycana Xəzər dənizində neft-qaz yataqlarının istismarı və mübadiləsi üzrə təklifləri təqdim edəcək.
Tehranın təklifləri iki ölkənin dənizdə neft-qaz yataqlarının birgə işlənməsi, həmçinin neft-qaz ticarətinin genişləndirilməsinə aiddir.
İranın neft naziri Bijan Zanqane Tehranın Azərbaycanla xam neft və qaz mübadiləsinə hazır olduğunu bildirib. O qeyd edib ki, İ.Əliyevin səfəri çərçivəsində bu mövzu yüksək siyasi səviyyədə - iki dövlət başçısının görüşündə müzakirə ediləcək.
Zanqane həmçinin qeyd edib ki, Xəzər dənizində neft hasilatı xərcləri İran və qonşu ölkələr üçün olduqca çoxdur; Xəzəryanı ölkələr arasında əməkdaşlıq xərclərin azaldılmasına gətirib çıxaracaq.
Milli Qaz Şirkətinin (NIGC) direktoru Həmid Reza Araqi gündəlik 50-60 mln. kub metr təbii qazın nəqli ilə bağlı Rusiya və Azərbaycanla danışıqlara başlandığını bildirib.
Bundan öncə İranın Milli Neft Şirkəti Qazaxıstan və Rusiya ilə neft (swap) mübadiləsinə dair danışıqlar aparıb.
Həmçinin İran tərəfi neft və qazın kəşfiyyatı, nəqli üçün öz dəniz infrastrukturunu inkişaf etdirməyə hazır olduğunu bildirib. -02D-
-
- Siyasət
- 23 Fevral 2016 12:16
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz