Bakı/25.04.18/Turan: Yaxın günlərdə Tehranda beş Xəzəryanı ölkənin Hərbi Dəniz Qüvvələri komandanlarının görüşü keçiriləcək. Bu barədə bu gün İran HDQ komandanı Hüseyn Xanzadi Tehranda Hind Okeanı ölkələrinin Hərbi-Dəniz Simpoziumunda çıxış edərkən bildirib.
Qarşıda duran görüşlə bağlı şərh verən Xanzadi deyib ki, müşavirə Xəzər dənizində təhlükəsizliyin təmin edilməsi məqsədilə keçiriləcək. "Digər bir məqsəd kənardan Xəzər dənizinin təhlükəsizliyinin pozulmasına yol verməmək və transregional dövlətlərin regiona daxil olmasına yol verməməkdir", deyə İRNA agentliyi admiraldan sitat gətirir.
Xanzadi görüşün məhz nə zaman keçiriləcəyini bildirməyib.
Qeyd edək ki, regiondankənar qüvvələr dedikdə ilk növbədə ABŞ və NATO nəzərdə tutulur.
Amerikalılar artıq bir neçə ildir "Xəzər mühafizləri" adı altında Azərbaycan və Qazaxıstan HDQ-nin gücləndirilməsi proqramını həyata keçirir. Proqram çərçivəsində ABŞ bu ölkələrə hərbi gəmilər, təchizat verib və hərbi heyətə təlimlər keçib. -02D-
Siyasət
-
Çeçenistan, Baki-Qroznı marşrutu üzrə hərəkət edən Embraer 190 təyyarəsinin qəzaya uğraması ilə əlaqədar 28 dekabr tarixində matəm günü elan edəcək. Çeçen lideri Ramzan Kadırov tərəfindən imzalanmış fərman yerli "Çeçenya Today" xəbər agentliyi tərəfindən bildirilib.
-
Ukrayna Prezidenti Vladimir Zelenski Azərbaycan xalqına başsağlığı verib
-
Ağ Ev cümə günü bildirib ki, prezident Co Bayden Qazaxıstanda AZAL təyyarəsinin qəzaya uğraması ilə bağlı vəziyyətlə və “baş verənlər barədə məlumatlandırılır”, Turan-ın müxbiri Vaşinqtondan xəbər verir.
-
Plastik cərrahiyyə fəaliyyətinə dair saxta sertifikatların verilməsinə görə Səhiyyə Nazirliyinin məmurlarına cinayət işi açılıb. Bu barədə Baş Prokurorluq və Səhiyyə Nazirliyinin 27 dekabr tarixli birgə məlumatında deyilir.
Rəy yaz