Tehranda hərbi təhsil sahəsində Azərbaycan-İran əməkdaşlığı məsələləri müzakirə olunub

Milli Müdafiə Universitetinin rektorunun müavini, Hərbi Elmi-Tədqiqat İnstitutunun rektoru, general Arif Həsənovun rəhbərliyilə Azərbaycan nümayəndə heyəti İran Ali Milli Müdafiə Universitetinin rəisi, general-mayor İsmayıl Əhmədi Müqəddəmin dəvətilə bu ölkəyə səfər edib.

Azərbaycan Müdafiə Nazirliyinin məlumatında deyilir ki, nümayəndə heyəti İranın Ali Milli Müdafiə Universitetinin elmi və tədris bazaları ilə tanış olub.

Görüş zamanı əməkdaşlığın inkişaf etdirilməsi baxımından qarşılıqlı səfərlərin və bu cür görüşlərin zəruriliyi vurğulanıb.

Azərbaycan nümayəndə heyəti İran Müdafiə Nazirliyinin istehsal etdiyi hərbi məhsulların nümayiş olunduğu sərgi ilə tanış olub,  Komanda- Qərargah Akademiyasına və İran Silahlı Qüvvələri Baş Qərargahının Beynəlxalq Əməkdaşlıq İdarəsinə gedib.

Görüşlərdə hərbi təhsil məsələləri üzrə fikir mübadiləsi aparılıb, məlumatda deyilir.