Təhsil Nazirliyinin qarşısında keçirilən aksiya zamanı 55 dindar saxlanılıb (Video)

Bu gün Təhsil Nazirliyinin qarşısında dindarlarla polis qüvvələri arasında baş vermiş toqquşma zamanı 55 nəfər saxlanılaraq Nərimanov rayon Polis İdarəsinin müxtəlif bölmələrinə aparılıb. Bu barədə Turan-a Nərimanov rayon Polis İdarəsindən məlumat verilib.

Qeyd edək ki, iki yüzə yaxın dindar Təhsil Nazirliyinin qarşısında toplaşaraq hicaba qadağanın  aradan qaldırılmasını tələb edib.

Aksiya iştirakçıları polisin dağılışmaq barədə tələbini yerinə yetirməkdən imtina etdikdən sonra qarşıdurma yaranıb. Polis dəyənəkdən, dindarlar isə taxta parçalarından istifadə ediblər. Polislərə daş atıblar. Hər iki tərəfdən zərər çəkənlər var.

Şəhər kliniki xəstəxanasından verilən məlumata görə, 3 polis əməkdaşı ağır vəziyyətdə xəstəxanaya  yerləşdirilib.03B06-- 

 Cümə günü Təhsil Nazirliyinin qarşısında dindarların etiraz aksiyası polis qüvvələri ilə onların arasında toqquşmaya çevrilib. Aksiya məktəblərdə hicaba qadağa qoyulmasının aradan qaldırılması tələbi ilə keçirilir.

200-ə yaxın dindar nazirliyin qarşısına toplaşaraq “Hicaba azadlıq!”, “İslama azadlıq!”, “Sionistlərə lənət olsun!” şüarlarını səsləndiriblər.

Lakin təxminən 150 nəfərdən ibarət  polis qüvvələri aksiyanı dağıtmağa başlayıb. Buna cavab olaraq polislərə daş və taxta parçaları atıblar. Bir neçə nəfər saxlanılıb. Hər iki tərəfdən zərər çəkən var.

Həmçinin paytaxt polisinin rəis müavini Səhlab Bağırov da zərər çəkib, onun başı yarılıb.

Ayrı-ayrı dindar qrupları hələ də etiraz aksiyasını davam etdirirlər və polisə müqavimət göstərirlər. Hicaba qadağa 2010-cu ilin dekabrında qoyulub. 2011-ci ilin mayında da Təhsil Nazirliyinin qarşısında belə aksiya keçirilib.—26C--

https://www.youtube.com/v/epJnDLsKI6g?version=3&hl=ru_RU