Tekalidə azərbaycanlı yazıçının romanı və erməni siyasətçinin kitabının təqdimatı olacaq

Cənubi Qafqaz Coğrafiya Mərkəzi sentyabrın  14-də Gürcüstanın Azərbaycan və Ermənistan sərhədində yerləşən Tekali kəndində üç ölkə sakinlərini yenidən  toplayacaq. Bu dəfə regional problemlərlə yanaşı azərbaycanlı yazıçı Seymur Baycanın “Quqark” romanının rus dilində, erməni siyasətçi, sovet dissidenti Paruyr Ayrikyanın isə “Mütləq demokratiya yolunda” kitabının təqdimatı  keçiriləcək. 

Qafqaz Sülhməramlı Təşəbbüslər Mərkəzinin məlumatına görə, Tekalidə tədbir Mixeil Mirziaşvili (Tbilisi) və Zamir Abbasovun (Bakı) “Tekali prosesi Cənubi Qafqazda münaqişələrin həllində sosial model kimi” mövzusunda Berlin konfransının yekunlarının təqdimatı ilə başlayacaq.

Sonra “Ümumqafqaz bazarı” mövzusunda vətəndaş dinləmələri olacaq. Məruzəçilər Eduard Dzavaryan (Tbilisi) və Bəxtiyar Zeynalovdur (Qardabani, Gürcüstan).

Arzu edənlər üçün Tbilisi, Marneuli, Gəncə və Noyemberyandan Tekaliyə və geriyə nəqliyyat təşkil olunacaq.

İştirakçılar Tbilisidən saat 11:00-da “Redisson Blu İveriya” mehmanxanasının qarşısında Qızılgül İnqilabı meydanından yola düşəcəklər. Avtobusda yer rezervasiyası üçün +995 599 75 37 54 saylı telefona zəng etmək lazımdır. Marneulidə avtobusda yer almaq üçün +995 551 29 09 99 saylı telefona zəng etmək lazımdır. Gəncə, Tovuz və Ağstafa: +994 50 387 32 42, Teyyub Mirqasımov.

Noyemberyan və bitişik kəndlər:   +374 55 40 14 59.

Dinləmələr saat 13:00-da başlayacaq. -02D-