Təqsirləndirilənlərin ölkəyə gətirilməsi xərcləri onlardan tutula bilər
Bakı/31.10.18/Turan: Azərbaycandan kənarda istintaqdan gizlənən təqsirləndirilən şəxslərin tutulub ölkəyə gətirilməsi ilə bağlı xərclər həmin şəxslərin özləri ödəməli olacaqlar.
Milli Məclis bununla əlaqədar olaraq Cinayət-Prosessual Məcəlləyə müvafiq dəyişiklikləri birinci oxunuşda qəbul edib. Qanun layihəsinin mətni parlamentin saytına daxil edilib.
Layihədə Cinayət-Prosessual Məcəlləsinin 197-ci maddəsinə əlavələr edilməsi nəzərdə tutulur.
Məcəllənin 197-ci maddəsi "Məhkəmə məsrəfləri" adlanır. Həmin maddədə ödənilməsi məhkəmə qərarı ilə məhkumların üzərinə qoyula bilən məsrəflərinsiyahısı verilir. Bundan sonra təqsirləndirilən şəxslərin xaricdən ölkəyə gətirilməsi xərcləri də məhkəmə məsrəfi hesab olunacaq.
Məcəlləyə aşağıdakı mətndə 197.1.9-сu maddə əlavə edilir.
"Azərbaycan Respublikası ərazisindən kənarda istintaqdan gizlənən təqsirləndirilən şəxsin tutularaq cinayət prosesini həyata keçirən orqana gətirilməsi ilə əlaqədar çəkilmiş xərclərin məbləği".
Milli Məclis dəyişiklik təklifini 1-ci oxunuşda dünən, oktyabrın 30-da qəbul edib.
Azərbaycanın cinayət-prosessual qanunvericiliyinə görə, məhkəmə məsrəfləri məhkumun üzərinə qoyula bilər. Şübhəli və ya təqsirləndirilən şəxsə, pulsuz hüquqi yardım göstərmiş müdafiəçiyə, tərcüməçiyə, mütəxəssisə, ekspertə, tərcüməçiyə ödəniş və sair xərclər məhkəmə məsrəfi hesab edilir. Həmin məsrəflərməhkəmənin qərarı ilə məhkumdan tutulub dövlət nəfinə və ya müvafiq xərc çəkmiş fiziki, yaxud hüquqi şəxsin hesabına keçirilir.
Məhkumun məhkəmə məsrəflərini ödəməyə imkanı olmadıqda, yaxud məhkəmə məsrəflərini ödəməsi öhdəsində olan şəxslərin maddi vəziyyətinə ciddi xələl gətirərsə, məhkəmə məhkumu məhkəmə məsrəflərinin tutulmasından tam və ya qismən azad edə bilər.--0--
-
- Siyasət
- 31 Oktyabr 2018 17:52
-
- Kənd təsərrüfatı
- 31 Oktyabr 2018 19:53
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz