Bakı/30.10.17/Turan: Bakı-Tbilisi-Qars (BTQ) dəmir yolu yeni "İpək yolu"nun bir həlqəsi, Şərq-Qərb nəqliyyat dəhlizinin əsas hissəsidir. Bunu Türkiyə prezidenti Rəcəb Tayyib Ərdoğan BTQ-nin açılışı mərasimində deyib.
"Artıq Londondan Pekinə qatarlar birbaşa hərəkət edəcəklər", - R.T.Ərdoğan vurğulayıb.
Onun sözlərinə görə, Türkiyə son 15 ildə bu istiqamətdə səy göstərir. İstanbulda üçüncü körpü və digər layihələr bu layihənin bir hissəsidir.
"Biz Qazaxıstanı Aktau, Türkmənistanı Türkmənbaşı limanı ilə Avropaya bağlayırıq. Bakı-Tbilisi-Qars dəmir yolu 6 milyon ton yük və 1 milyon sərnişin daşıya biləcək. 2030-cu ildə 17 milyon ton yük, 3 milyon sərnişin daşınacaq. Hazırda Çindən Avropaya ildə 240 milyon ton yük daşınır. Bu yükün 10 faizi belə Bakı-Tbilisi-Qars dəmir yolu ilə daşınsa, bu 24 milyon ton olacaq", - R.T.Ərdoğan bildirib.-06D--
Siyasət
-
Azərbaycanla Avropa İttifaqı arasında icazəsiz yaşayan şəxslərin readmissiyası haqqında saziş çərçivəsində noyabrın 26-da Almaniyadan 37 Azərbaycan vətəndaşı geri qaytarılıb.
-
Bakı-Qazax avtomagistralının Tovuzdan keçən hissəsində qəza qeydə alınıb. Avtomobillərin toqquşması nətisində altı nəfər aldığı xəsarətdən dünyasını dəyişib.
-
Rəsmi Bakı Polşa prezidenti Ancey Dudanın Ermənistana rəsmi səfəri zamanı Azərbaycanla sərhədə getməsini pisləyib.
-
Times of India nəşrinin məlumatına görə, Pinaka raket sistemlərinin ilk partiyası Ermənistana göndərilib.
Rəy yaz