Türkiyə Quru Qoşunları komandanlığı Bakıda
Dekabrın 17-də Azərbaycan Silahlı Qüvvələrinin Baş Qərargah rəisi Kərim Vəliyev Türkiyə Quru Qoşunlarının komandanı Tuncay Altuğun rəhbərlik etdiyi nümayəndə heyətini qəbul edib.
Görüşdə iki ölkə arasında hərbi əməkdaşlıq, regional təhlükəsizlik və qarşılıqlı maraq doğuran digər məsələlər müzakirə olunub.
Həmçinin nümayəndə heyəti Azərbaycan müdafiə nazirinin müşaviri Bəxtiyar Ersay ilə ayrıca görüş keçirib. Görüşdə Azərbaycan ordusunda Türkiyə Silahlı Qüvvələri modelinin tətbiqilə bağlı fikir mübadiləsi aparılıb.
Siyasət
-
Çərşənbə axşamı Ukraynanın Azərbaycandakı səfiri Yuri Husyev Azərbaycan prezidentinin köməkçisi Hikmət Hacıyevlə görüşüb. Bu barədə səfir X platformasındakı hesabında yazıb.
-
Çərşənbə axşamı Tatarıstan Respublikasının başçısı Rüstəm Minnixanov Bakıya gəlib. O, Azərbaycan prezidenti İlham Əliyev ilə görüşüb. Görüşdə Minnixanova Azərbaycanın "Dostluq" ordeni təqdim edilib.
-
Dekabrın 17-də Bakı Ağır Cinayətlər Məhkəməsində “Abzas Media işi” üzrə hazırlıq iclası başlayıb. Lakin jurnalistləri prosesə buraxmayıblar. Məhkəmədən Turan-ın sorğusuna cavab olaraq bildiriblər ki, zalda yer yoxdur və jurnalistlər Məhkəmə-Hüquq Şurasına şikayət edə bilər. Lakin müttəhimlərin bəzi qohumları da daxil olmaqla, bir qrup şəxsi zala buraxıblar.
-
Qarabağ separatçılarının rəhbərlərinin barəsində cinayət işi baxılmaq üçün Bakı Hərbi Məhkəməsinə göndərilib.
Rəy yaz