Recep Tayyip Erdogan.
Türkiyə və İsrail Avropaya qaz tədarükü məsələsində əməkdaşlıq edə bilər
Bakı/04.02.22/Turan: Ankara İsrailin Aralıq Dənizində çıxardığı qazdan özü istifadə etməyə, həmçinin onu Avropaya nəql etməyə hazırdır. Bu barədə cümə günü Türkiyə prezidenti Erdoğan Kiyev səfərindən qayıdarkən jurnalistlərə bildirib.
"Biz bundan əvvəl də İsraillə bu mövzuda danışmışdıq. Biz İsrail qazından ölkə daxilində istifadə edəcəyik, bundan başqa, Avropaya qaz nəqli üzrə birgə işə başlayacağıq", deyə NTV telekanalı Erdoğandan sitat gətirir.
O qeyd edib ki, bu məsələni martda İsrail prezidenti İshak Hersoqun Ankaraya nəzərdə tutulan səfəri zamanı müzakirə etmək niyyətindədir.
"Ümid edirəm ki, cənab Hersoqun səfəri zamanı bu mövzular gündəliyimizdə olacaq. Bundan başqa, biz İsrail baş naziri Naftali Bennetlə də bu barədə danışacağıq", deyə o qeyd edib.
İsrail Şərqi Aralıq Dənizindən çıxarılan qazı EastMed Pipeline qaz kəməri ilə ixrac etməyi planlaşdırırdı. Amma layihə öz xərclərini qarşılamaq iqtidarında olmadığına görə o, bu fikirdən daşınıb. Bu layihəni Yunanıstan, Kipr və İsrail İsrailin "Leviafan" və Kiprin "Afrodita" yataqlarından çıxan qazın Kipr və Krit adalarından keçməklə Yunanıstana, oradan isə İtaliyaya nəqli üçün həyata keçirmək istəyirdi. Qaz kəmərinin uzunluğu 1900 km təşkil etməli idi, bunun 1300 km-i suyun altından keçməli idi. Amma bu ilin əvvəllərində ABŞ Yunanıstan, Kipr və İsrailə ekoloji və iqtisadi səbəblərdən bu layihəni dəstəkləmədiyini bildirib.
Hazırda Türkiyə Cənub Qaz Dəhlizinin mühüm halqasıdır və artıq geniş Yaxın Şərq, Aralıq Dənizi regionundan, habelə Xəzər regionundan Avropaya qaz nəqli üçün bütün lazımi infrastruktura malikdir. -02D-
-
- Kənd təsərrüfatı
- 4 Fevral 2022 16:50
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz