![Vatikan Poma Papasının Ermənistana səfəri barədə](https://turan.az/resized/media/2016/main/062300159960-750-500-resize.webp)
Vatikan Poma Papasının Ermənistana səfəri barədə
Roma Papasının Ermənistana səfəri onun öz tarixi boyunca çox əziyyət çəkmiş Ermənistan xalqı ilə yaxınlığını göstərmək istəyini nəzərə çarpdırır. Bu barədə Müqəddəs Taxt-Tacın mətbuat xidmətinin rəhbəri Federiko Lombardi ötən gün mətbuat konfransında Roma Papasının iyunun 24-də Ermənistana gözlənilən üçgünlük səfəri haqda danışarkən bildirib.
Lombardi qeyd edib ki, səfər zamanı Papa Sisernakaberd xatirə kompleksində 1915-ci il hadisələrinin qurbanlarının övladları ilə görüşəcək. Lakin bir saatlıq mətbuat konfransı zamanı Vatikan mətbuat xidmətinin rəhbəri “soyqırım” sözünü tələffüz etmədən “Mets Yegern” erməni ifadəsini işlədib, “Svoboda” radiosu bildirib.
Vatikanın rəsmi nümayəndəsinin sözlərinə görə, Roma Papası Fransisko jurnalist Yevangeliya Ximityanı (Buenos-Ayresdə arxiyepiskop olduğu vaxtlarda Roma Papası ilə dostluq edən erməni keşişin qızı) onu müşayiət edən jurnalistlər qrupuna daxil edib. Jurnalistin əcdadları ermənilərin osmanlı türkləri tərəfindən təqib edilməsinin şahidi olub və onları müdafiə edən türk kəndlilərin sayəsində xilas ola biliblər.
Lombardi həmçinin bildirib ki, Papa Fransisko Xor Virap monastır kompleksinə baş çəkməyi planlaşdırır.
Onun sözlərinə görə, Xor Virap monastırı Ermənisranda xristianlığın tarixi üçün mühüm əhəmiyyət daşıyır. Türkiyə ilə sərhəddə yerləşən bu kompleksdə olarkən Pontifik Ararat dağına tərəf göyərçinlər buraxacaq.
“İyunda Ermənistana planlaşdırılan səfər bu il ərzində regiona planlaşdırılan səfərlərdən birincisidir. Sentyabrın 30-dan oktyabrın 2-dək Poma Papası Gürcüstan və Azərbaycana da səfər edəcək”, - Lombardi qeyd edib.-02D-
-
- Cəmiyyət
- 23 İyun 2016 10:47
-
- İqtisadiyyat
- 23 İyun 2016 12:59
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz