Vəkil Əlayif Həsənov: Bu həbs siyasi motivlidir

Həbsdə olan gənc siyasi fəal Ömər Məmmədovun Hüquqlarını Müdafiə Komitəsi cümə axşamı mətbuat konfransı keçirib.

Komitə sədri, hüquqşünas Əlövsət Əiyev ölkədə gənc siyasi fəalların həbsinin davam etməsinə etiraz bildirib. Həm də Ö.Məmmədov da “narkotik istifadəçisi” kimi həbsə alınıb. Ölkə gənclərinin təhsildə rüşvət əleyhinə, əsgər ölümlərinə, qazilərin faciəvi ölümlərinə etirazlarına görə həbsə  alınmalarına diqqət çəkilib.

Gənclərin həbsi təkcə gənclərin deyil, ölkənin gələcəyinin həbsi kimi simvolizə olunub. 

Ö.Məmmədovun atası Elyar Məmmədov iki ildir ki, Kiprdə ali təhsil alan oğlunun siyasi fəaliyyətə görə həbsə alındığını deyib. Qeyd edib ki, keçən il dekabrın 31-də “bandotdel”ə çağırılaraq oğlunu siyasi fəaliyyətdən, sosial şəbəkələrdə fəallıqdan çəkindirməyə çağırıblar. Bununla bağlı E.Məmmədov oğlunun həbsinin gözlənilən olduğunu vurğulayıb. Yanvarın 20-də Ö.Məmmədov Bakıya tətilə gəlib, yanvarın 21-də “banotdel”ə aparılıblar. Ö.Məmmədovla “bandotel”də “profilaktik söhbət” aparılıb. E.Məmmədov deyib ki, hətta “bandodtel”də Ö.Məmmədova ehtiyatlı olmaq tövsiyəsi verilib. Bu “tövsiyə”dən 3 gün sonra saxlanıb. E.Məmmədov oğlunun hər-hansı şəkildə narkotik ilə əlaqəsi olmadığını deyərək, bu ittihamı şər, böhtan adlandırıb. Onun fikrincə, bu ittiham sadəcə siyasi baxımdan fəal gəncləri susdurmaq vasitəsidir. 

“Biz bu gün təkcə Ö.Məmmədovu yox, gənclərin taleyini düşünməklə üz-üzə qalmışıq, gəncliyin bir hissəsi məddah kimi böyüdülür, bir hissəsi azad, sərbəst, böyüyərək fərlqi düşünür. Elə buna görə də həbsə alınırlar ki, niyə onlar məmurlar kimi düşünmürlər”, deyə deputat Sabir Rüstəmxanlı həbslərə münasibət ifadə edib. Ölkəni irəliyə məhz belə azad ruhlu gənclərin aparacağını deyən S.Rüstəmxanlı onlara münasibəti dəyişməyi təklif edib. 

Vəkil Əlayif Həsənov Ö.Məmmədovun həbsinin siyasi motivli olduğunu söyləyib və gənc fəalı siyasi məhbus adlandırıb. “21 ildir ki, ölkədə “siyasi məhbus” konveyeri işə düşüb, iqtidar ona sərf etməyən insanları müxtəlif adlarla şərləyib həbsə alır”, - deyə vəkil həbsə münasibət ifadə edib. Ə.Həsənov hazırda ölkədə 134 siyasi məhbus olduğunu deyib. Bu həbslərin əsassızlığı kənardan belə aydın göründüyü üçün beynəlxalq qurumlar məhkəmə prosesi olmadan məhbuslara “siyasi və vicdan məhbusu” statusu verdiklərini nəzərə çatdırıb. Onun firkirncə, bu həbslərə səbəblərdən biri də iqtidarın siyasət sahəsini inhisara alması, bu sahədə rəqib tanımaq istəməməsidir. 

Vəkil müdafiə etdiyi Ö.Məmmədovun heroin istfadəçisi kimi Cinayət Məcəlləsinin 234.4.3-cü maddəsilə ittiham olunduğunu bildirib. Onun firkincə, Ö.Məmmədovun həbsdən azad olunması məhkəmədən yox, siyasi iradədən asılıdır. 

Müdafiə komitəsi Ö.Məmmədovla bağlı dövlət başçısına müraciət etməyi nəzərdə tutur. -05C-