2013-cü ildə “Qadın Krizis Mərkəzi”nə məişət zorakılığı zəminində 958 şikayət daxil olub. Bu haqda Turan-a “Qadın Krizis Mərkəzinin rəhbəri Mətanət Əzizova bildirib.
Onun sözlərinə görə, 680 nəfər həyat yoldaşları, 278 nəfər isə qohum-əqrabası tərəfindən şiddətə məruz qalıblar.
2013-cü ildə məişət zorakılığı zəminində 75 nəfər intihara əl atıb, hamısında da bu insanlar dozadan artıq dərman həbləri atmaqla həyatlarına son qoymaq istəyiblər.
Məişət zorakılığı zəminində 2013-cü ildə 6 nəfər qadın ölümü qeydə alınıb. Həmim ölümlərdən sonra ölən qadınların yaxınları bu ölümlərin qətl olduğunu iddia ediblər. Amma məhkəmə prosesində bu ölümlərlə bağlı intihar etmək qərarı çıxarılıb.
Daxil olan müraciətlərə əsasən 37 zorlama hadisəsi qeydə alınıb, bunlardan 7 nəfər yetkinlik yaşına çatmayanlardır. Zorlamalar yaxın qohumlar tərəfindən törədilib. Amma bu faktların heç biri ilə bağlı məhkəməyə müraciət edilməyib.
47 qadına iş yerində seksual xidmət təklifi edilib, buna etiraz olaraq 17 xanım iş yerini tərk edib.
Daha bir maraqlı məsələ abortlarla bağlıdır. Belə ki, bu məsələ ilə bağlı müraciət edən 50 nəfərdən 15-i yetkinlik yaşına çatmayan şəxslərdir. -05B-
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz