Vəkil Qurban Məmmədov həbs olunan gənc fəalları dəstəkləyir

Vəkil Qurban Məmmədov aprelin 30-da  ADNA-nın  qarşısında anım   yürüşü keçirmək istəyərkən polis tərəfindən tutulan 3 gənc fəalı dəstəkləyib.  Belə ki  vəkil  müvəqqəti saxlama təcridxanasında saxlanılan  gənc fəallar Turqut Qəmbər, Əbülfəz Qurbanlı və İlkin Rüstəmzadənin məcburi  başlarının qırxılmasına etiraz edib. Vəkil də başını qırxmaqla gənclərə dəstək olub.

“Bu yaxınlarda məlumat almışam ki, onların başını qırxmaqla təhqir ediblər. Qoy,  bütün Azərbaycan gəncliyi, bu rejimi istəməyən bütün vətəndaşlarımız mənim kimi başlarını qırxsınlar, küçəyə çıxsınlar, bu da bir etiraz aksiyadır. Dünya görsün ki, bu rejimə qarşı  nə qədər  başıqırxıq var. Ona görə də mən hamını bu aksiyaya qoşulmağa  çağırıram.Əks təqdirdə bu  rejimin qarşısını ala bilməyəcəyik” , - vəkil əlavə edib.  Həmçinin vəkil bütün Azərbaycan xalqına müraciət edib. 

“Azadlıq uğrunda, haqq yolunda gənclərin başı qırxılırsa, dövlət büdcəsi talan edilirsə, biz susduqca bu qanunsuzluqlar bir az da davam edəcək, Azərbaycanda yaşamaq mümkün olmayacaq. Mən sizin hamınızı vətəndaşlıq mövqeyi nümayiş etdirməyə çağırıram”, - o vurğulayıb.

Vəkil  Neft Akademiyasının qarşısında anım yürüşünün keçirilməsinin qarşısının polis tərəfindən alınmasını pisləyib. Onun fikrincə,  hakimiyyət həmin gün paytaxtda futbol bayramı keçirtməklə terror qurbanlarının xatirəsini təhqir edib. -16D-